«Հրաշք Հանգան գետի վրա» (կորեերեն՝ 한강의 기적 (漢江의 奇蹟), Հարավային Կորեայի տնտեսության աճի գործընթացը նկարագրող տերմին, կես դարում կորեական պատերազմի հետևանքով ավերված ագրարային երկրից վերածվել է բարձր տեխնոլոգիաների զարգացող տնտեսության։ Այս գործընթացը հիմնված էր արտահանմանն ուղղված աճի, արագ ինդուստրացման, նոր տեխնոլոգիաների ներդրման, կրթության զարգացման վրա, ինչը հանգեցրեց կենսամակարդակի բարձրացման, արագ ուրբանիզացիայի և արդիականացման։ Հանգան գետի վրա հրաշքը փորձել են այնպիսի միջազգային կորպորացիաներ, ինչպիսիք են Samsung-ը, LG-ը և Hyundai-ը։
Հանգանը (բառացիորեն կորեերենից Հանգանգ նշանակում է «Հան գետ») գետ է, որի ափերին տեղակայված է Սեուլը՝ Հարավային Կորեայի մայրաքաղաքը, ամենամեծ քաղաքը և տնտեսական կենտրոնը։
Հարավային Կորեայի տնտեսության արագ զարգացման սկիզբը կապված է 1962 թվականի հետ, երբ նախագահ Փարկ Չունգ Հին հայտարարել է առաջին հնգամյա ծրագրի սկիզբը։ Տնտեսական աճը դանդաղել է 1980-ականների վերջին, բայց 1988 թվականի Սեուլի Օլիմպիական խաղերից հետո մարդիկ սկսեցին խոսել «Հանգան գետի հրաշքի» մասին։ 1994 թվականից Կորեայի Հանրապետությունը համարվում է բարձր զարգացած (մեկ շնչին ընկնող ՀՆԱ-ի առումով)։ 1997 թվականին Հարավային Կորեայի տնտեսությունը վերապրել է ասիական ֆինանսական ճգնաժամը, բայց կարողացել է հաջողությամբ հաղթահարել այն։ Դրանից հետո, բացի Հարավային Կորեայի տնտեսության ավանդական հատվածներից, նշանակալի դեր է ունեցել նաև արտահանմանն ուղղված բիզնեսը, այն կոչվում էր հապլյու՝ «կորեական ալիք»։
…Հանգան գետի հրաշք ժամանակաշրջանը, երբ 1960-ականներից մինչև 1990-ականները Կորեան տնտեսական զարգացումը հսկայական թռիչք կատարեց, կեղծամներ, նրբատախտակներ և ծովամթերք արտահանող հետամնաց երկրից վերածվեց առաջադեմ տեխնոլոգիական հզորության, ողջ աշխարհը լրացրեց սմարթֆոններով, համակարգիչներով, մեքենաներով և հեղուկանավերով։ - Օլեգ Կիրյանով |
}}
«Հանգան գետի վրա հրաշքի» իրականացման համար կա կարևոր երեք գործոն՝ երկրի ղեկավարության քաղաքական կամքը, Կորեայի ժողովրդի մտածելակերպը և կոնֆուցիական էթիկայի և բարքերի վրա հիմնված նրանց արժեքները, Հարավային Կորեայի ինտեգրումը համաշխարհային տնտեսական համակարգին՝ ինչպես առանձին երկրների (հիմնականում Ճապոնիայի և ԱՄՆ-ի), այնպես էլ միջազգային ֆինանսական հաստատությունների աջակցությամբ։
Ուսումնասիրելով հարավկորեական «տնտեսական հրաշքի» ֆենոմենը՝ նշում են դրա նմանությունը այլ «ասիական վագրերի»՝ Սինգապուրի, Հոնկոնգի և Թայվանի տնտեսական վերելքի հետ։ Ուշադրություն է դարձվում ոչ միայն ցուցանիշների աճին, այլև տնտեսության կառուցվածքի փոփոխություններին։ Գնահատելով «Հանգան գետի հրաշքը»՝ գտնվում են ինչպես դրական, այնպես էլ բացասական կողմեր՝ տնտեսական աճը հանգեցրել է Կորեայի Հանրապետությունում ժողովրդագրական ու սոցիալական զգալի փոփոխությունների։
This article uses material from the Wikipedia Հայերեն article Հրաշք Հանգան գետի վրա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.