Հյուսիսային Մակեդոնիայի Հանրապետության Լեզուներ
Մակեդոնիայի պաշտոնական, ազգային և ամենալայն տարածում ունեցող լեզուն մակեդոներենն է՝ մակեդոնացիների և ենթաէթնոսների մայրենի լեզուն։ Մակեդոնիայի լեզուները համապատասխանում են առկա տարբեր էթնիկ խմբերին։ Մակեդոնիայի Հանրապետությունը պաշտոնապես ճանաչում է 6 ազգային փոքրամասնությունների լեզու՝ ալբաներեն, թուրքերեն, սերբերեն, գնչուերեն, բոսնիերեն, վալախերեն։ Մակեդոնիայի Սահմանադրությունը թույլատրում է ազգային փոքրամասնությունների լեզուների ազատ կիրառումը։ 2001 թվականի Օխրիդյան համաձայնագիրը նկատելիորոն ընդլայնեց ալբաներենի կիրառման կարգավիճակը, այդ թվում միջին և բարձրագույն կրթության ոլորտում։
Ազգային փոքրամասնությունների լեզուներ
Ըստ վերջին՝ 2002 թվականի մարդահամարի՝ Մակեդոնիայի բնակչությունը կազմում է մոտ 2.022 միլիոն քաղաքացի։ Մակեդոնիայի 1,344,815 քաղաքացի հայտարարել էին, որ խոսում են մակեդոներեն, 507,989 քաղաքացի խոսում էր ալբաներեն, 71,757՝ թուրքերեն, 38,528՝ գնչուերեն, 6,884՝ առումիներեն, 24,773՝ սերբերեն, 8.560՝ բոսնիերեն և 19,241 քաղաքացի խոսում են այլ լեզուներով։
| Լեզու | Խոսողների թիվ |
|---|---|
| ալբաներեն | 507.989 |
| թուրքերեն | 71.757 |
| սերբերեն և բոսնիերեն | 24.773 (սերբերեն) 8.560 (բոսնիերեն) |
| գնչուերեն | 38.528 |
| առումիներեն | 6.884 |
Ծանոթագրություններ
This article uses material from the Wikipedia Հայերեն article Հյուսիսային Մակեդոնիայի Հանրապետության լեզուներ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.