Թուղթ Առ Փիլիմոն: Նոր Կտակարանի գիրք
Պողոս առաքյալի նամակը Փիլիմոնին (Թուղթ առ Փիլիմոն), Նոր Կտակարանի մաս կազմող գիրք, Պողոս առաքյալի նամակներից մեկը։ Նոր Կտակարանի ամենակարճ նամակը։
Հասցեատերն ու բովանդակությունը
Այս նամակը բնույթով անհատական է՝ ուղղված Կողոսայի եկեղեցուց Փիլիմոն անունով մի քրիստոնյայի։ Սակայն նամակի հասցեատերը միայն Փիլիմոնը չէ. նամակի հենց սկզբում Պողոսը ողջույններ է հղում «Ապփիա քրոջը, զինակից Արքիպպոսին և տնական եկեղեցուն»։ Փիլիմոնի ստրուկներից մեկը՝ Օնեսիմոսը փախել էր իր տիրոջից, ինչը մահացու հանցանք էր համարվում։ Օնեսիմոսը հանդիպելով Պողոսին, քրիստոնյա է դառնում։ Այս նամակով Պողոսը խնդրում է Փիլիմոնին, որ ների Օնեսիմոսին և ընդունի նրան ոչ թե որպես ներողամտության արժանացած ստրուկի, այլ որպես քրիստոնյա եղբոր։ Ըստ ավանդության՝ Օնեսիմոսը եղել է Բյուզանդիայի եպիսկոպոս։ Այս կարճ նամակը մի կարևոր պատգամ ունի. Պողոս առաքյալը ո՛չ հրահանգ է տալիս Փիլիմոնին, ո՛չ իր կամքն է պարտադրում և ո՛չ էլ իր ծառայի վրա ունեցած նրա իրավունքները դարձնում խնդրո առարկա։ Այլ ցույց է տալիս, թե Քրիստոսի հավատն ու սերն ինչպե՛ս են խորությամբ փոխակերպում մարդկային մեր հայեցակետն ու հարաբերությունները։
Գրության թվականը և վայրը
Նամակը գրվել է 54-56 թվականների ընթացքում, հավանաբար Եփեսոսում։
Նամակի կառուցվածքը
- Նախաբան (1-3)
- Գովասանք Փիլիմոնին (4-7)
- Խնդրանք Օնեսիմոսի համար (8-22)
- Վերջաբան (23-25)
Աղբյուրներ
 | Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |
This article uses material from the Wikipedia Հայերեն article Թուղթ առ Փիլիմոն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.