Բեթղեհեմ (եբրայերեն՝ בֵּית לֶחֶם, Բեյթ-Լեղեմ, բառացի՝ Հացի տուն, արաբ․՝ بيت لحم, Բայթ Լաղմ, բառացի՝ Մսի տուն), քաղաք Հորդանան գետի ձախ ափին։ Գտնվում է Պաղեստինի ազգային վարչակազմի ռազմական և քաղաքացիական հսկողության ներքո (А գոտի)։ Պաղեստինյան Բեթղեհեմ մարզի վարչական կենտրոնն է, ինչպես նաև՝ ուխտագնացության և զբոսաշրջության կենտրոն (Հիսուս Քրիստոսի ծննդավայրն է)։ Ընկած է պատմական Հուդա երկրամասի տարածքում, Երուսաղեմ քաղաքից 10 կիլոմետր դեպի հարավ, փաստացի՝ սահմանակից է այդ քաղաքին; Զբաղեցնում է 5,4 քառակուսի կիլոմետր տարածք։ 2007 թվականի տվյալներով՝ բնակչության թվաքանակը եղել է 24 949։
Քաղաք | ||
---|---|---|
Բեթղեհեմ | ||
եբրայերեն՝ בֵּית לֶחֶם / արաբ․՝ بَيْتِ لَحْمٍ | ||
Երկիր | Պաղեստին | |
Քաղաքապետ | Վիկտոր Բատարսե | |
Առաջին հիշատակում | մ. թ. ա. 15-րդ դար | |
Մակերես | 30 կմ² | |
ԲԾՄ | 775 մետր | |
Պաշտոնական լեզու | արաբերեն | |
Խոսվող լեզուներ | արաբերեն | |
Բնակչություն | 25 266 մարդ (2007) | |
Ժամային գոտի | UTC+2 | |
Հեռախոսային կոդ | 2 | |
Պաշտոնական կայք | bethlehem-city.org | |
| ||
21-րդ դարի սկզբին Բեթղեհեմը դավանանքի տեսակետից գերազանցապես իսլամադավան է, սակայն այստեղ, նախկինի պես, պահպանվել է նաև քրիստոնյաների մեծաթիվ համայնքը։ Քաղաքի տնտեսության հիմքը զբոսաշրջությունն է, որ իր գագաթնակետին է հասնում Քրիստոսի ծննդյան տոնակատարության շրջանում։ Բեթղեհեմում գործում են 30-ից ավելի հյուրանոցներ, 300-ից ավելի արհեստանոցներ։ Քաղաքի հյուսիսային մուտքի մոտ գտնվում է Ռաքելի դամբանը՝ հուդայականության, քրիստոնեության և իսլամի կարևորագույն սրբություններից մեկը։
Վիքիպահեստն ունի նյութեր, որոնք վերաբերում են «Բեթղեհեմ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 353)։ |
This article uses material from the Wikipedia Հայերեն article Բեթղեհեմ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.