Աֆրիկյան Վայրի Շուն

՞ Աֆրիկական վայրի շուն
Գիտական դասակարգում
Թագավորություն Կենդանիներ Տիպ Քորդավորներ Ենթատիպ Ողնաշարավորներ Դաս Կաթնասուններ Կարգ Գիշատիչներ Ընտանիք Շնազգիներ Տեսակ Աֆրիկական վայրի շուն Ենթատեսակ Աֆրիկական վայրի շուն
Լատիներեն անվանում
Lycaon pictus
Հատուկ պահպանություն
Արեալ
Պատկերներ Վիքիպահեստում

Աֆրիկական վայրի շունը (լատին․՝ Lycaon pictus) շնազգիներին պատկանող կաթնասուն է, որը հանդիպում է միայն Աֆրիկայում։ Ունի բազմապիսի անուններ, սակայն հիմնական օգտագործվում է "Աֆրիկական վայրի շուն" տերմինը։ Անունը լատիներենից թարգմանաբան նշանակում է ներկված գայլ։ Շատ նման է բորենու, որի համար որոշ լեզուներով կոչվում բորենակերպ շուն։ Ապրում է աֆրիկյան սավաննաներում, սնվում միջին մեծության սմբակավորներով։ Ոհմակները կազմված են 7-15 կենդանուց։ Ապրում է մինչև 10 տարի։

Աֆրիկական վայրի շան քաշը կազմում է 20-30 կիլոգրամ, մարմնի բարձրությունը՝ 70-80 սմ։ Մարմնի երկարությունը 60 սմ-ից մեկ մետր է հասնում, առանց պոչի, որի երկարությունը 30-40 սմ է։

Արուները ավելի մեծ են էգերից։ Աֆրիկական վայրի շունը միակ շնազգին է, որը ունի ընդամենը չորս մատ յուրաքանչյուր թաթին, մինչդեռ մյուսները ունեն հինգ մատ։ Այս ցեղատեսակը ունի 40 ատամ (մյուսները՝ 42)։ Չնայած դրան, աֆրիկական վայրի շունը ունի չափազանց հզոր բերանի կառուցվածք, (նման է բորենու բերանի կառուցվածքին), որը նրան օգնում է հեշտությամբ որսալ զոհին և հեշտությամբ ծամել ուտելիքը։ Աֆրիկական վայրի շունը ունի լայն բացված ականջներ, որը նրան տալիս է շատ սուր լսողություն։ Ականջները ծածկված են մանր աղվամազերով, որը նրանց պաշտպանում է պարազիտներից և միջատներից։

Վիքիցեղերն ունի նյութեր, որոնք վերաբերում են «Աֆրիկյան վայրի շուն» հոդվածին։

Վիքիպահեստն ունի նյութեր, որոնք վերաբերում են «Աֆրիկյան վայրի շուն» հոդվածին։