Աննի Էռնո (ֆր.՝ Annie Ernaux, սեպտեմբերի 1, 1940(1940-09-01), Լիլբոն, Ֆրանսիա), ֆրանսիացի գրող, գրականության ոլորտում 2022 թվականի Նոբելյան մրցանակի դափնեկիր։
Աննի Էռնո | |
---|---|
Ծնվել է | սեպտեմբերի 1, 1940[…] (83 տարեկան) |
Ծննդավայր | Լիլբոն, Ֆրանսիա |
Քաղաքացիություն | Ֆրանսիա |
Մայրենի լեզու | ֆրանսերեն |
Կրթություն | Ռուանի համալսարան և Բորդոյի համալսարան |
Ազդվել է | Սրտխառնոց (վեպ), «Իրեր» (վեպ), Էլիզ կամ իրական կյանք, Վիրջինիա Վուլֆ, Սիմոնա դը Բովուար և Պիեր Բուրդյո |
Երկեր | Դատարկ պահարաններ, Տեղում և Տարիներ |
Մասնագիտություն | ռեժիսոր, գրող և ուսուցչուհի |
Պարգևներ և մրցանակներ | |
Կայք | annie-ernaux.org/fr |
Annie Ernaux Վիքիպահեստում |
Աննի Դյուշենը ծնվել է 1940 թվականի սեպտեմբերի 1-ին Լիլբոնում։ Նա իր մանկությունն անցկացրել է Նորմանդիայի Իվտո քաղաքում։ Այնտեղ նրա ծնողներն ունեցել են փոքրիկ սրճարան։ Ռուանի համալսարանն ավարտելուց հետո նա գրականություն է դասավանդել տարրական և միջնակարգ դպրոցներում (Անսի-լե-Վյեում և Պոնտուազում), այնուհետև դասավանդել է հեռակա ուսուցման ազգային կենտրոնում։
Էռնոյի առաջին վեպը՝ «Les Armoires vides», լույս է տեսել 1974 թվականին։ Վեպը պարունակում է ինքնակենսագրական հստակ մոտիվներ, ինչը բնորոշ է գրողի հետագա ստեղծագործությանը։ Նրա բոլոր վեպերն այս կամ այն կերպ արտացոլում են նրա կենսագրության դրվագները՝ մանկություն, սոցիալական կարիերա, ամուսնություն և մայրություն, սեփական սեքսուալության բացահայտում, աբորտ, կրծքի քաղցկեղ, մոր հիվանդություն և մահ։ Գրողի խոսքով՝ ինքը նախընտրում է ոչ թե ստեղծագործել ավանդական ժանրերում, այլ փնտրել ինքնարտահայտման սեփական ձևը։ Նրա ստեղծագործությունների մեծ մասը հրատարակվել է «Gallimard» հրատարակչության կողմից։
1960-ականներին նա ամուսնացել է Ֆիլիպ Էռնոյի հետ։ Նրանք ունեն երկու որդի՝ Էրիկը և Դեյվիդը։ Զույգն ամուսնալուծվել է 1980-ականների սկզբին՝ 17 տարվա համատեղ կյանքից հետո։
2014 թվականից Սերժի Պոնտուազի համալսարանի պատվավոր դոկտոր է։
Վիքիպահեստն ունի նյութեր, որոնք վերաբերում են «Աննի Էռնո» հոդվածին։ |
This article uses material from the Wikipedia Հայերեն article Աննի Էռնո, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.