Pobo Grego

Tamén constitúen unha diáspora significativa, con comunidades gregas estabelecidas arredor do mundo.

Pobo grego
Primeira liña: Homero  · Leónidas I  · Pericles  · Heródoto  · Hipócrates Segunda liña: Sócrates  · Platón  · Aristóteles  · Alexandre o Grande  · Arquímedes Terceira liña: Hipatia  · Basilio II  · Aleixo I Comneno  · Georgios Gemistos Plethon  · El Greco Cuarta liña: Rigas Velestinlís  · Theódoros Kolokotronis  · Laskarina Bouboulina  · Georgios Karaiskakis  · Ioannis Kapodístrias · Quinta liña: Elefthérios Venizelos  · Konstandinos Kavafis  · Georgios Papanikolaou  · Arcebispo Makarios  · Pirros Dimas
Poboación
Poboación total: aprox  14 - 17 millóns
Rexións principais:
Grecia	10 280 000 (2001)
Estados Unidos	1 390 439 / 3 000 000 (estimación2009; incluídos os que teñen devanceiros gregos)
Chipre	792 604 (estimación 2008)
Reino Unido	400 000 (estimación)
Australia	365 120 (censo 2006) / 700 000 (incluídos os que teñen devanceiros gregos)
Alemaña	294 891 (estimación 2007)
Canadá	242 685 (censo 2006; con orixes exclusivamente gregas)
Albania	aprox  200 000
Rusia	100 000
Ucraína	91 500 (censo 2001)
Aspectos culturais
Lingua	Grego
Relixión	Igrexa Ortodoxa
Grupos relacionados	Gregos de Albania, pónticos

Na antigüidade, os gregos organizábanse politicamente en cidades estado, e alí orixinouse o concepto de democracia. Estabelecéronse colonias e comunidades gregas ó longo da historia en moitos recunchos do Mediterráneo, malia que o groso da nación sempre se centrou arredor do mar Exeo, onde se fala a lingua grega dende a Grecia antiga. No século IV a.C, a expansión territorial máis importante dos gregos levou ó helenismo até Asia Central e a India, e despois da caída do Imperio Romano, Bizancio mantivo a cultura grega no Mediterráneo oriental até 1453. Baixo o Imperio Otomán e até o comezo do século XX, os gregos estaban instalados uniformemente entre a actual Grecia, a costa occidental de Anatolia, o Mar Negro, Exipto, Chipre e Constantinopla; en xeral, estas rexións coinciden coas fronteiras do Imperio Bizantino a finais do século XI, e tamén coa zona de colonización grega na antigüidade do Mediterráneo oriental.

Despois da Guerra Greco-Turca (1919-1922), un masivo intercambio de poboacións entre Grecia e Turquía (1923) deixou case toda a poboación etnicamente grega confinada dentro das novas fronteiras de Grecia e Chipre (illa daquela integrada no Imperio británico). A nova Grecia constituíuse a partir do 1822 como un estado nación típico da época, liberado do Imperio Otomán. Outras poboacións menores de gregos étnicos pódense atopar actualmente dende o sur de Italia e o sur de Albania até no Cáucaso, e tamén nas comunidades da diáspora en moitos outros países. Actualmente, a maioría dos gregos pertencen formalmente á Igrexa Ortodoxa Grega.

Pódenselles atribuír ós gregos contribucións moi notables en diversos eidos da cultura universal ó longo de toda a Historia (as artes, a literatura, a filosofía, a política, a música, as matemáticas, a ciencia, a arquitectura, a tecnoloxía, as exploracións, a cociña e o deporte).

Wiki Commons ten máis contidos multimedia na categoría:  Pobo grego

Outros artigos

• Grupos étnicos de Europa

Bibliografía

• Encyclopedia Britannica (en inglés). Estados Unidos: Encyclopedia Britannica Inc. 2008. Online Edition. 
• The Columbia Encyclopedia (en inglés). Estados Unidos: Columbia University Press. 2008. Online Edition. 
• Pocket World in Figures (Economist) (en inglés). Londres: Economist Books. 2006. ISBN 1-86197-825-1. 

Ligazóns externas

Diáspora

• Consello mundial helénico (en inglés) (en ruso) (en grego)

Relixión

• Patriarcado Ecuménico de Constantinopla (en inglés) (en grego)
• Igrexa Ortodoxa Grega (en inglés) (en grego)

Comercio

• Cámara de comercio grecocanadense (en inglés)
• Cámara de comercio grecoamericana (en inglés)
• Cámara de comercio grecoarcentina (en castelán) (en inglés) (en grego)

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.