José Ignacio Gómez Pérez, nado en Ribadavia en 1972, é un político galego do PSdeG-PSOE.
Biografía | |
---|---|
Nacemento | 1972 (51/52 anos) Ribadavia, España |
Alcalde de Ribadavia | |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Vinculado ao PSdeG-PSOE dende os 16 anos, foi Secretario Xeral das Xuventudes Socialistas de Galicia en Ribadavia. Nas eleccións municipais de 1999 concorreu como número 5 da candidatura do PSdeG en Ribadavia, se ben non resultou elixido. En novembro de 2000 foi elixido Secretario Xeral da Agrupación Socialista de Ribadavia. Nas eleccións municipais de 2003 resultou elixido concelleiro e tenente de alcalde de Ribadavia. Tralas municipais de 2007 e 2011 volveu ser elixido concelleiro e tenente de alcalde, tras revalida-lo PSdeG o goberno da vila. En 2007 e 2011 foi designado deputado provincial, sendo ademais portavoz do grupo socialista na Deputación dende 2011.
Nas municipais de 2015 encabezou a candidatura do PSdeG-PSOE e foi elixido alcalde de Ribadavia como cabeza da lista máis votada. Volveu ser designado deputado provincial, continuando como portavoz do grupo socialista. Porén, en novembro de 2016 foi destituído como portavoz pola executiva provincial do partido, tras manter diversas discrepancias internas. Nas municipais de 2019 pasou a se-la segunda forza política tralo PPdeG, se ben tiña opción de mante-la alcaldía co apoio da marea Ribeiro en Común. Porén, esta formación vetou a súa continuidade como alcalde para apoiar os socialistas, polo que o PPdeG logrou a alcaldía ó se-la forza máis votada. Nese mandato volveu ser designado deputado provincial, sendo ademais o viceportavoz do grupo socialista. En febreiro de 2021 o PSdeG e Ribeiro en Común presentaron unha moción de censura que fixo alcaldesa á socialista Noelia Rodríguez, pasando a formar parte da Xunta de Goberno Local pero sen asumir competencias concretas. Nas municipais de 2023 concorreu como número 4 da candidatura do PSdeG, a cal perdeu o goberno tras logra-lo PPdeG a maioría absoluta. Se ben inicialmente non resultou elixido concelleiro, a renuncia dunha compañeira fixoo acceder de novo á corporación. Volveu ser designado deputado provincial.
Nas Eleccións ao Parlamento de Galicia de 2024 concorre como número 2 da candidatura do PSdeG-PSOE por Ourense.
Predecesor: Marcos Blanco Jorge | Alcalde de Ribadavia 2015 - 2019 | Sucesor: César Fernández Gil |
This article uses material from the Wikipedia Galego article Ignacio Gómez Pérez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.