En Galicia, segundo o decreto 65/1997 da Xunta, existen oficialmente 53 comarcas, das cales 18 pertencen á provincia da Coruña, 13 á de Lugo, 12 á de Ourense e 10 están na provincia de Pontevedra.
As comarcas constitúen o ámbito de actuación dos plans de desenvolvemento comarcal e carecen de funcións administrativas.
A continuación detállase a poboación por comarcas en cada unha das catro provincias galegas:
Das 18 comarcas da provincia da Coruña, no ano 2020 é a comarca da Coruña a que ten máis poboación, con 406.873 habitantes, mentres que en último lugar estaría a comarca da Barcala, con 10.203 habitantes.
Dentro da provincia lucense, no ano 2020 a capital e a súa comarca ocupan o primeiro posto con 118.955 habitantes; pola contra, a comarca de Fonsagrada é a menos poboada, con 4.830 habitantes.
No ano 2020, na provincia de Ourense, a propia comarca de Ourense reunía máis da metade da poboación provincial, con 144.440 habitantes. A comarca da Terra de Caldelas é pola contra a menos poboada de provincia e de Galicia, con 2.764 habitantes.
A provincia de Pontevedra acolle no seu seo a bisbarra máis poboada da comunidade, a comarca de Vigo, con 426.834 habitantes no ano 2020. A comarca da Paradanta é a menos poboada da provincia, con 12.060 habitantes nese mesmo ano.
This article uses material from the Wikipedia Galego article Comarcas de Galicia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.