Jahseh Dwayne Ricardo Onfroy, nado en Plantation, Florida o 23 de xaneiro de 1998 e finado en Deerfield Beach, Florida o 18 de xuño de 2018, foi un rapeiro estadounidense máis coñecido polo seu nome artístico XXXTentacion ou sinxelamente X.
Onfroy lanzou a súa primeira canción na plataforma de distribución de son SoundCloud en 2014. XXXTentacion foi unha figura popular do chamado «SoundCloud rap» e o emo rap. Á parte de ter un éxito póstumo á súa morte, tras chegar co seu tema «SAD!» ó número un de Billboard.
Onfroy naceu o 23 de xaneiro de 1998 en Plantation, Florida. Onfroy foi criado principalmente pola súa avoa Tiffany Rodes, debido á situación financeira da súa nai, en Pompano Beach, Florida e Lauderhill, Florida. Onfroy era de orixe exipcia, india, alemá, xamaicana e italiana. Cando Onfroy tiña seis anos, apuñalou a un home que tentaba atacar á súa nai e finalmente foi posto nun programa xuvenil antes de ser obrigado a vivir coa súa avoa.
O interese de Onfroy na música comezou inicialmente despois de que a súa tía o convencese para comezar a asistir ó coro da escola e máis tarde ó coro da igrexa. Axiña o botaron do coro da escola, despois de atacar a outro estudante. Onfroy foi expulsado da escola secundaria despois dunha serie de altercados. Posteriormente, a súa nai inscribiuno nos Sheridan House Family Ministries por máis de seis meses. Onfroy comezou a escoitar nu metal, hard rock e rap durante o seu tempo en Sheridan House, o que o levou a tentar aprender piano e guitarra.
Onfroy asistiu a Piper High School até o décimo grao. El describíase a si mesmo como un «inadaptado» durante ese tempo, citando o tranquilo que estaba a pesar de ser popular e participar regularmente en pelexas.
O 18 de xuño de 2018, Onfroy marchaba a unha concesionaria de motos en Deerfield Beach cando dous asaltantes lle dispararon dende unha SUV de cor escura nun aparente roubo. As autoridades cren que houbo até tres coches seguindo a Onfroy antes de ingresar á concesionaria RIVA Motorsports. Testemuñas informáronlle á policía que os sospeitosos tomaron unha bolsa Louis Vuitton do seu vehículo. O tiroteo ocorreu ao leste da cidade de Parkland; os sospeitosos fuxiron da escena. O Departamento de Bombeiros do Condado de Broward levouno rapidamente a Broward Health North. Inicialmente, informouse que Onfroy atopábase en estado crítico tras o tiroteo, e a Oficina do Xerife do condado de Broward confirmou posteriormente a súa morte.
Wiki Commons ten máis contidos multimedia na categoría: XXXTentacion |
This article uses material from the Wikipedia Galego article XXXTentacion, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.