María Do Socorro Ortega Romero: Historiadora e profesora galega

Formación académica

Diplomada en Maxisterio e Enfermaría, estudou na Universidade de Santiago de Compostela a carreira de Filosofía e Letras (sección de Historia). Despois de licenciarse, acadou o doutoramento en 1966.

Cargos docentes

Profesora adxunta interina da cátedra de Xeografía e Historia do Instituto Arzobispo Gelmírez (1955-1960). En 1966 acadou, por oposición, a praza de profesora adxunta (despois, profesora titular) de Historia da Arte Moderna e Contemporánea, cargo que desempeñou até a súa xubilación.

Outros cargos

Foi directora da Sección de Arte do Instituto de Estudos Galegos Padre Sarmiento, e formou parte do Consello de Redacción da revista Cuadernos de Estudios Gallegos. Así mesmo, foi membro do Comité Español de Historiadores da Arte e da Real Academia Galega de Belas Artes. Desde o ano 2010 até a súa morte un ano máis tarde, foi a presidenta sa Asociación de Antigos Alumnos da USC.

María do Socorro Ortega faleceu repentinamente en Santiago de Compostela o 12 de decembro de 2011.

Casou con Francisco Porto Mella (avogado) e foi nai dunha única filla, Rosario Porto Ortega, e avoa de Asunta Basterra Porto.

A Xunta de Galicia publicou en Santiago, na súa homenaxe, en 2002, o libro Estudios sobre patrimonio artístico; homenaje del Departamento de Historia del Arte y de la Facultad de Geografía e Historia de la Universidad de Santiago de Compostela a la Prof. Dra. Mª del Socorro Ortega Romero, coordinado por María Dolores Barral Rivadulla e José Manuel López Vázquez. ISBN 84-453-3340-2.

Durante a súa carreira docente, Ortega Romero publicou numerosas obras sobre arte compostelá, e máis concretamente sobre o barroco, e sobre outros aspectos urbanísticos de Santiago, como a historia do Pazo de Raxoi ou a vida do arquitecto do século XVIII Miguel Ferro Caaveiro, mestre de obras da catedral.

Artigos en revistas

Publicou os seguintes dez artigos:

• "Julio Argüelles: pintor". Abrente: Boletín de la Real Academia Gallega de Bellas Artes de Nuestra Señora del Rosario, Nº 32-34, 2000-2002, páxs. 15-32.
• "La capilla del Cristo de Conxo". Cuadernos de Estudios Gallegos, Tomo 35, Nº 100, 1984-1985, páxs. 451-480.
• "Obras en la red viaria que daba acceso a la Compostela del siglo XVIII". Cuadernos de Estudios Gallegos, Tomo 39, Nº 104, 1991, páxs. 173-192.
• "La iglesia de Nuestra Señora de la Angustia -San Frutuoso- en Santiago de Compostela". Cuadernos de Estudios Gallegos, Tomo 44, Nº 109, 1997, páxs. 221-242.
• "Planos de Miguel Ferro Caaveiro para construir un hospicio en Santiago". Cuadernos de Estudios Gallegos, Tomo 26, Nº 80, 1971, páxs. 307-318.
• "El arquitecto Miguel Ferro Caaveiro". Cuadernos de Estudios Gallegos, Tomo 25, Nº 76, 1970, páxs. 143-164.
• "Noticias sobre la construcción del Ayuntamiento de Santiago de Compostela". Cuadernos de Estudios Gallegos, Tomo 21, Nº 63, 1966, páxs. 81-102.
• "En torno a la construcción del Palacio de Rajoy de Santiago de Compostela". El Museo de Pontevedra, Nº 37, 1983, páxs. 325-330.
• "Temática religiosa en la pintura gallega del siglo XX". Abrente: Boletín de la Real Academia Gallega de Bellas Artes de Nuestra Señora del Rosario, Nº 31, 1999, páxs. 99-146.
• "Notas históricas de arte gallego". Cuadernos de Estudios Gallegos, Tomo 32, Nº 96-97, 1981, páxs. 525-530.

Artigos en obras colectivas

Tamén publicou seis artigos en obras colectivas:

• "Dos pintoras miembros de la Real Academia Gallega de Bellas Artes de Nuestra Señora del Rosario". Simposio Internacional Muller e Cultura. Compostela, 27-29 de febreiro de 1992. Coord. por Aurora Marco López, 1993, ISBN 84-8121-041-2, páxs. 373-382.
• "Jenaro Carrero: uno de los pintores gallegos de la “Generación Doliente”". El arte del siglo XIX: II Congreso Español de Historia del Arte. Valladolid, 11-14 de decembro de 1978, Vol. 1, 2007.
• "Los puentes en la ciudad de Santiago y su entorno, en el siglo XVIII". Los caminos y el arte: VI Congreso Español de Historia del Arte, Santiago de Compostela, 16-20 de xuño de 1986, Vol. 2, 2007 (El arte en los caminos), ISBN 84-7191-573-1, páx. 7.
• "Las murallas de Compostela en los siglos XVI-XVII". La ciudad y el mundo urbano en la historia de Galicia. Coord. Ramón Villares Paz, 1988, ISBN 84-86728-25-8, páxs. 225-240.
• "Alteración urbanística de un conjunto monumental contemporáneo: el Templo de la Veracruz de Carballiño (Orense)". Primer Congreso Español de Historia del Arte. Trujillo, 10-12 de xuño de 1977.
• "Reformas urbanísticas en la Compostela neoclásica: el proyecto de Cermeño para la plaza de Santa Susana". Experiencia y presencia neoclásicas: Congreso Nacional de historia de la arquitectura y del arte. La Coruña, 9-12 de abril de 1991. Coord. por Xosé Fernández Fernández, 1994, ISBN 84-88301-78-2, páxs. 143-152.