José López Campos: Político galego
José Carlos López Campos, nado na Estrada o 22 de marzo de 1974, é un político galego do PPdeG.
| Biografía | |
|---|---|
| Nacemento | 22 de marzo de 1974  (50 anos)A Estrada, España |
 Conselleiro da Xunta de Galicia | |
| 2024 – | |
| Alcalde da Estrada | |
| 2011 – 2024 – Gonzalo Louzao → | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido Popular |
| Membro de | |
| Lingua | Lingua galega |
Traxectoria
Comezou os seus estudos en Ciencias Empresariais en Santiago de Compostela. Foi director dunha oficina bancaria de Caixabank na Estrada. En 2003 foi elixido concelleiro na Estrada polo PPdeG, ocupando o cargo de concelleiro de Industria e Comercio e tenente de Alcalde na lexislatura 2003-2007. En 2007 volveu repetir como repetir como concelleiro pero pasou á oposición trala vitoria do PSdeG-PSOE, sendo o portavoz do grupo municipal trala renuncia do que fora candidato á alcaldía poucos meses despois das eleccións.
Nas Eleccións ao Parlamento de Galicia de 2009 foi elixido deputado. Nas eleccións municipais de 2011 encabezou a candidatura do PPdeG na Estrada e foi elixido alcalde ao obter a lista do PPdeG a maioría absoluta, ante o cal renunciou como deputado autonómico. Nese mandato foi designado deputado provincial. Nas municipais de 2015 volveu ser elixido alcalde con maioría absoluta, a cal revalidou e ampliou nas seguintes eleccións de 2019 e 2023. Tralas dúas últimas convocatorias electorais volveu ocupar un escano na Deputación de Pontevedra.
En abril de 2024 foi nomeado Conselleiro de Cultura, Lingua e Xuventude da Xunta de Galicia, abandonando os seus anteriores cargos.
Vida persoal
Reside en Cañoteira. Está casado con Beatriz Pedreira e ten dous fillos: Sergio e Yago.
Notas
Véxase tamén
Outros artigos
Ligazóns externas
| Predecesor: Román Rodríguez |  Conselleiro de Cultura, Lingua e Xuventude 2024 - actualidade | Sucesor: no cargo |
| Predecesor: José Antonio Dono |  Alcalde da Estrada 2011 - 2024 | Sucesor: Gonzalo Louzao Dono |
This article uses material from the Wikipedia Galego article José López Campos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.