Artur Bordalo: Grafiteiro e artista plástico portugués
Artur Bordalo, máis coñecido polo alcume artístico Bordalo II ou Bordalo Segundo, nado en Lisboa en 1987, é un grafiteiro e artista plástico portugués.
É neto do tamén pintor Artur Real Chaves Bordalo da Silva, coñecido como Bordalo.
  | |
| Biografía | |
|---|---|
| Nacemento | 1987 (36/37 anos) Lisboa, Portugal |
| Datos persoais | |
| Outros nomes | Bordalo II Bordalo Segundo |
| País de nacionalidade | Portugal |
| Actividade | |
| Ocupación | pintor , grafiteiro , artista visual , escultor |
| Lingua | Lingua portuguesa |
| Participou en | |
| 30 de abril de 2016 | MURO - Festival de Arte Urbana Lx 2016 (pt)  |
| Obra | |
Obras destacables
| |
| Páxina web | bordaloii.com |
   | |
Traxectoria
Estudou na Facultade de Belas Artes da Universidade de Lisboa.
A súa arte baséase no emprego de residuos urbanos, guiado polo aforismo «o lixo dun pode ser o tesouro doutro». Tomando como punto de partida o graffiti, empregando pintura en spray, usa obxectos abandonados, desperdicios e refugallos procedentes de obras, ruínas de edificios, coches e fábricas, entre outros, mesturándoas e re-ensamblándoas para crear un novo obxecto artístico. Pretende deste xeito denunciar unha sociedade «extremadamente consumista, materialista e avariciosa» e promover a «sustentabilidade, conciencia ecolóxica e social». Como consecuencia, os seus graffitis son tridimensionais, superando en moitas ocasións os límites do plano do lenzo, converténdose en baixorrelevos e altorrelevos.
Características da súa obra son o emprego de cores rechamantes. Na temática, gran parte das súas instalacións representan animais (mapaches, raposos, cervos, peixes, bufos, cans, garzas, periquitos, ourizos, flamengos, saltóns, bolboretas, papagaios, lagartas, gatos, suricatas, picapeixes, abellas etc.), que adoitan ser dispostas en diferentes espazos e superficies (habitualmente paredes e muros). Esta serie chámaa "Big Trash Animals", e dela di que «é unha serie en que eu uso lixo e desperdicio urbano para construír imaxes de animais, e a idea por detrás diso é construír imaxes da vítimas con aquilo que os destrúe». Outra boa parte da súa obra emprega as vías férreas como estrutura de fondo para elaborar os seus graffitis, neste caso habitualmente bidimensionais, nunha serie chamada "Railroad Tracks". Outras series temáticas de Bordalo II son "World Gone Crazy" e "Provocative Street Art".
As súas obras poden ser encontradas en Lisboa, Covilhã, Estarreja, Águeda (Portugal), Roma, Turín, Este (Italia), París (Francia) e Santiago de Chile.
Exposicións
Individuais
| título | ano | galería / evento | lugar |
|---|---|---|---|
| Tornar o banal original | 2011 | Montana Shop & Gallery |  Lisboa |
| System Boys | 2013 | Outsiders Factory |  Lausana |
| World Gone Crazy | 2014 | Arte Periférica | Lisboa |
| Pânico, drama, terror | 2015 | Arte Periférica | Lisboa |
Colectivas
| evento | ano | lugar |
|---|---|---|
| Walk&Talk Street Art Festival | 2013 | Ponta Delgada |
| Wool Urban Art Festival | 2014 | Covilhã |
| Smart Travel Festival | 2014 | Braganza |
| O Bairro i o Mundo Festival | 2014 | Loures |
| Armazéns do Chiado Art Meeting | 2014 | Lisboa |
| Elementi Sotterranei Street Art Festival | 2014 |  Gemona del Friuli |
| Montana Shop & Gallery "Mar Motto" | 2014 | Lisboa |
| Life is Beautiful Festival | 2015 |  Las Vegas |
| Nuart Festival | 2015 |  Stavanger |
| From Trash to Art | 2015 |  Bakú |
| Graffiti Street Underground | 2015 |  Londres |
| Urban Forms Festival | 2015 |  Łódź |
| Ocean Climax Festival | 2015 |  Berlín |
| Agitágueda | 2015 | Águeda |
| Observaria | 2015 | Estarreja |
Notas
Véxase tamén
Ligazóns externas
This article uses material from the Wikipedia Galego article Artur Bordalo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.