O ano ou anus é a parte terminal do tubo dixestivo en oposición á boca que é o extremo inicial.
É unha estrutura aberta que ten como función controlar a expulsión das feces, que son un produto semisólido xerado durante a dixestión. A saída de substancias a través do ano está controlada, en moitos animais, polo músculo esfinter. Os anfibios, réptiles e aves usan o mesmo orificio para excretar os residuos sólidos e líquidos, para a cópula e para a posta de ovos, polo que este orificio recibe o nome de cloaca. Os mamíferos placentarios teñen dous orificios separados: un para a defecación (ano) e outro para os ouriños e a reprodución.
O desenvolvemento do ano é un aspecto importante na evolución dos animais multicelulares. De feito, existen dous camiños distintos nos diferentes tipos de animais: nos protóstomos o blastóporo embrionario orixina a boca do adulto, e xeralmente tamén o ano, mentres que nos deuteróstomos a primeira abertura do embrión (blastóporo) convértese no ano.
Commons ten máis contidos multimedia sobre: Ano |
This article uses material from the Wikipedia Galego article Ano (anatomía), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.