გვამიში დუდი
ანუსი (მარგალური: გვამიში დუდი ვარდა უკახალენი ჭჷშ ხვერე; ლათ. anus — რგვალი, მარწკინდი) — ოჭკომალიშ მარცუაფალი ტრაქტიშ ბოლოს რინელი რხვილი, ნამუშ მეშქაშალათ მუთმოხვადჷ გიმნაველიშ?კ გიმოღალა.
თიშ ქიმინჯალას აკონტროლენს ჟირი სფინქტერი: გალენი დო დინოხოლენი. დეფეკაციაშ აქტიშ მოხ, ანუსი ირო ფორილი რე. გიმნაველი დო რსინი ორგანიზმიშე ჭჷეფიშჷთ ანუსიშე გიმიღალუაფჷ — თენა რე ანუსიშ ბიოლოგიური დოშანაფა. ბონი ჭჷშ აკმანჭირალი ფუნქციაშ ჭყოლოფუათ (ჰიდრავლიკური მექანიზმი, თაშნეშე ჰემოროიდული სტრუქტურა აქტიურო ოკათჷ აირეფიშ დო დინოხიშ შეკებელო, ბონი ჭჷშ აკმანჭირალი ფუნქციაშ ჰერმეტიზაციას) ადამიერს შეულებუ დარეგულირას დეფეკაციაშ პროცესი. თიშ უკული, მუთ ფეკალიეფი გინმურს ანალურ არხშა თ.ჯ. ანალური სფინქტერეფიშ მელუშუაშ ხარჯიშა მუთმოხვადჷ თინეფიშ ბონი ჭჷშე გალე გიმოღალა.
| ანუსი | |
|---|---|
 | |
| ჯოღორიშ ანუსი | |
| ლათინური | Anus |
| სისტემა | მარცუაფალი კანკალეშა რეპროდუქტიული |
| არტერია | გიმენი რექტალური არტერია |
| ვენა | გიმენი რექტალური ვენა |
| ნერვი | გიმენი რექტალური ნერვი |
| ლიმფა | გალენი ინგვინალური ლიმფა ნოსქვეფი |
| წიმოხონი | პროქტოდეუმი |
ბონ ჭჷს, ანუსიშ მუკე-მუკე ანდა ინფექციაშ გჷნმაღალარი ბაქტერია ხე, თეშენ საპონით დო ტიბუ წყარით ანუსიშ შხირი ხვარჭალუა შანულამი დო უციო რე. მორო თით ხოლო გიბთოლწონათ ოკო, ნამჷ-და ანუსიშ მუკი-მუკი კანი ძალამ ბატა დო მაგინაფუ რე, თეშენ ლექინას იღერზელჷ — იჭყაფუ ხვატაფი, ჭუალა დო თ.უ. თეჯგურა შვანს უციო რე ორთაშობური ზეთიშ გჷმორინაფა, ნამუთ დალიბარენს დო დალამენს კანს. ანუსიშ გაღერზელაფა შილებე ანდა ფაქტორქ გჷმიჭანუასჷნ.
გინმატახუ ხანიშ დოჭყაფაშე ანუსიშ მუკი-მუკე თომა ეშულაშ იჭყანს. ადამიერეფი, ნამუეფჷთ თინეფიშ უმუშო დუდს უმოსი კომფორტულო გჷნაფენან, შხვადოშხვა მეშქაშალეფით ობურჯჷნა ვაკორნებულჷ თომას. გოფაჩლი მეთოდი — ოხოკალი მეშქაშალეფიშ გჷმორინაფა რე, მარა პროცესი შხირ შვანს კანიშ გაღერზელაფას იჭანუანს, თეშ დუდშე იოჩილითაფარო ხოკუაშ თებაშე ხეთე უციო რე ნახოკა აბანს კანიშ დალამებერი კრემიშ დო ზეითუნიშ ზეთიშ სუმალა.
ანუსიშ გოფაჩილი ლახარეფი რე: ჰემოროი (ბუასილი), აბსცესი, ფისტულა, კიბო (ანალური), ხვატაფი. უთხილუ ანალური სექსიშ ბორჯის, შილებე სქესობურივი რზათ გინმადვალუ ინფექციეფით დოინფიცირაფა, თეშენ უჯგუშ რე სპეციალურო ანალური სექსიშ მოჸოროფე ქომოლკოჩეფშო მოხუჯური პრეზერვატივეფიშ გჷმორინაფა.
თაშნეშე ქოძრით
სქოლიო
This article uses material from the Wikipedia მარგალური (Margaluri) article გვამიში დუდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.