Skarsterlân

De gemeente besloech in oerflak fan 216,8 km², wêrfan 31,5 km² wetter.

Skarsterlân
Strjitbyld út it sintrum fan De Jouwer.
flagge	wapen
	Wapen fan Skarsterlân
lokaasje
polityk
lân	Nederlân
provinsje	Fryslân
sifers en geografy
haadplak	De Jouwer
grutste plak	De Jouwer
ynwennertal	27.467 (2013)
befolkingstichtens	148,2 / km²
oerflak	216,80 km²
● wêrfan lân	185,26 km²
● wêrfan wetter	31,54 km²
tal doarpen	30
ferkearsieren	A6, A7, A32, E22, N354
skiednis
oprjochte	1984
oant 1851	Gritenij Doanjewerstâl Gritenij Haskerlân Gritenij Skoatterlân (diel) Gritenij Utingeradiel (diel)
1851 – 1934	Gem. Doanjewerstâl Gem. Haskerlân Gem. Skoatterlân (diel) Gem. Utingeradiel (diel)
1934 – 1984	Gem. Doanjewerstâl Gem. Haskerlân Gem. It Hearrenfean (diel) Gem. Utingeradiel (diel)
opheft	2014
opgien yn	De Fryske Marren It Hearrenfean
no part fan	De Fryske Marren It Hearrenfean
oar
netnûmer	0513, 0514, 0566
postkoade	8461–8544
tiidsône	UTC +1
simmertiid	UTC +2
webside	www.skarsterlan.nl

De gemeente Skarsterlân waard yn it ramt fan 'e gemeentlike weryndieling fan 1984 foarme út 'e âlde gemeenten Haskerlân en Doanjewerstâl, mei dêropta it doarp Nijbrêge fan 'e gemeente It Hearrenfean en de doarpen Eagmaryp en Terkaple fan 'e eardere gemeente Utingeradiel.

Op 1 jannewaris 2014 is de gemeente fúzjearre mei Lemsterlân en Gaasterlân-Sleat, sadat de nije gemeente De Fryske Marren ûntstie. De beide doarpen Nijbrêge en Haskerdiken binne nei de gemeente It Hearrenfean oergien.

Yn de simmer fan 1979 waard de namme Skarsterlân foasr it earst neamd yn in rapport fan Deputearre Steaten oer de kommende gemeentlike weryndieling yn Fryslân.. De namme ferwiist nei de skarren: i stik lân dêr't boeren mienskiplik fee rinne lieten. De skarren leine om Skarsterbrêge yn de gemeente Doanjewerstâl, krekt besuden de grins mei Haskerlân.

Yn 1980 dûkte de namme Skarsterlân op troch Hans Wiegel, de destiidske minister fan Binnenlânske Saken om de gemeentenammen net Frysk meitsje te litten, mar Nederlânsk of offisjeel twatalich. Nei in soad diskusjes waard ta weryndieling besletten om de nije gemeente wetlik de namme Scharsterland te jaan yn de Wet ta Gemeentlike Weryndieling fan Fryslân. Tagelyk waard ek bepaald dat de gemeente sels kieze mocht om de namme oer te nimmen of te wizigjen.

Yn maart 1984 besleat de krekt beneamde gemeenteried fan de nije gemeente Skarsterlân om de oarspronklike Fryske namme oan te nimmen as de offisjele namme. Yngeande maart 1985, in jier nei it riedsbeslút, waard de offisjele namme feroare yn Skarsterlân.

Sitten gemeenteried

De gemeenteried fan Skarsterlân bestie út 21 sitten. Hjirûnder de gearstallings sûnt 1998:

It haadplak fan de gemeente is de flekke De Jouwer. De oare plakken yn de gemeente binne:

(tusken skrapkes it ynwennertal op 1 jannewaris 2008)

Buorskippen

Neist de offisjele kearnen leine yn de gemeente de buorskippen:

Frysk is foar 65% fan de Skarsterlanners de memmetaal. Njonken it Frysk wurdt ek Nederlânsk (foar 26% fan de ynwenners de memmetaal), Stêdsk (3%) en Stellingwerfsk (1%) yn de gemeente strutsen. In útlânske taal is foar 1% fan de minsken de memmetaal.

• 2006 - 27.096
• 2005 - 27.106
• 2003 - 27.289
• 1996 - 26.051

• Fryske doarpen
• Fryske gemeenten
• List fan boargemasters fan Skarsterlân

Boarnen, noaten en/as referinsjes:

Webstee fan de gemeente Commons    Ofbylden dy't by dit ûnderwerp hearre, binne te finen yn de kategory Skarsterlân fan Wiki Commons.

Provinsje Fryslân
hjoeddeistige gemeenten
• Achtkarspelen • It Amelân • Dantumadiel • Eaststellingwerf • Flylân • De Fryske Marren • Harns • It Hearrenfean • Ljouwert • Noardeast-Fryslân • Opsterlân • Skiermûntseach • Skylge • Smellingerlân • Súdwest-Fryslân • Tytsjerksteradiel • De Waadhoeke • Weststellingwerf
eardere gemeenten
• Aenjewier (1851–1934) • Baarderadiel (1851–1984) • Barradiel (1851–1984) • It Bilt (1851–2018) • Boalsert (1455–2011) • Boarnsterhim (1984–2014) • Doanjewerstâl (1851–1984) • Dokkum (1298–1984) • Dongeradiel (1984–2019) • Drylts (1268–1984) • East-Dongeradiel (1851–1984) • Ferwerderadiel (1851–2019) • Frjentsjer (1374–1984) • (âld) Frjentsjerteradiel (1851–1984) • (nij) Frjentsjerteradiel (1984–2018) • Gaasterlân (1851–1984) • Gaasterlân-Sleat (1984–2014) • Haskerlân (1851–1984) • Hylpen (1372–1984) • Himmelumer Aldefurd (1851–1984) • Hinnaarderadiel (1851–1984) • Idaerderadiel (1851–1984) • Kollumerlân (1851–2019) • Lemsterlân (1851–2014) • Littenseradiel (1984–2018) • Ljouwerteradiel (1851–2018) • Menameradiel (1851–2018) • Nijefurd (1984–2011) • Raerderhim (1851–1984) • Skarsterlân (1984–2014) • Skoatterlân (1851–1934) • Sleat (1426–1984) • Snits (1292–2011) • Starum (1061–1984) • Utingeradiel (1851–1984) • Warkum (1399–1984) • West-Dongeradiel (1851–1984) • (âld) Wymbritseradiel (1851–1984) • (nij) Wymbritseradiel (1984–2011) • Wûnseradiel (1851–1984)
wizigje