Ferdivedaasjepark
In ferdivedaasjepark, attraksjepark, amusemintspark, temapark of pretpark (hollanisme) is in rekreaasje-oard dêr't men jin tsjin betelling fermeitsje kin mei almeast grutskalige attraksjes lykas achtbanen, reuzerêden, mearketunen en wyldwetterbanen.
Sa'n park ûnderskiedt him fan in merke trochdat it net ferpleatsber is, en fan in boarterstún trochdat it oer (folle) gruttere attraksjes beskikt. Dêrby binne ferdivedaasjeparken rjochte op it fermeitsjen fan grutte groepen minsken, almeast toeristen, mei't sa'n park te grut en djoer is om inkeld bestean te kinnen fan besyk troch de pleatslike befolking.
Ferdivedaasjeparken hawwe har ûntjûn út 'e Jeropeeske tradysje fan it hâlden fan in jierlikse merke. Ek de wrâldtentoanstellings fan 'e njoggentjinde iuw hawwe der har ynfloed op hân. Faak hat in ferdivedaasjepark in beskaat tema (dêrfandinne de oantsjutting "temapark"), dêr't alle attraksjes mei te krijen hawwe. Yn guon parken betellet men by de yngong in alomfetsjende tagongspriis wêrnei't alle attraksjes fierders frij besocht wurde kinne; yn oare parken is de yntreepriis leech, mar moat foar alle attraksjes apart bybetelle wurde. Hoewol't ferdivedaasjeparken besocht wurde troch minsken fan alle leeftydskategoryen, lizze se har dochs benammen ta op it fermaak fan bern.
Guon fan 'e bekendste ferdivedaasjeparken fan 'e wrâld binne Disneyland, yn Anaheim, Disney World, yn Orlando, Euro Disney, yn Parys, en Warner Bros. Movie World, yn it Dútske Bottrop. Yn Nederlân is de Efteling, yn it Brabânske Keatsheuvel, fierwei it bekendste ferdivedaasjepark. Oaren binne Duinrell, yn Wassenaar (Súd-Hollân), Attraksjepark Slachharen, yn Slachharen (Oerisel) en Walibi Holland (de eardere Flevohof), yn Biddinghuzen (Flevolân).
Galery
-
It kastiel fan Toarnroaske (Sleeping Beauty), yn Disneyland -
Wonder Mountain, yn Canada's Wonderland (Vaughan, Ontario) -
Balagos – Flying Flame yn Avonturenpark Hellendoorn -
De Wild West Falls Adventure Ride yn Warner Bros. Movie World (Oxenford, Queenslân) -
Yngong fan Hong Kong Disneyland (Hongkong) -
Pirate Ship Hudson Bay, yn Walibi Holland -
It kastiel fan Jiskepûster (Cinderella), yn Disney World
Sjoch ek
| Boarnen, noaten en/as referinsjes: | ||
| Foar boarnen en oare literatuer, sjoch ûnder: References, op dizze side.
|
This article uses material from the Wikipedia Frysk article Ferdivedaasjepark, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.