Hans Wiegel

	Hans Wiegel
	Algemien
Berne	16 july 1941
Berteplak	Amsterdam
Partij	VVD
Titels	Cand.
	Politike funksjes
1967-1977, 1981-1982	Lid Twadde Keamer
1971-1977, 1981-1982	Fraksjefoarsitter Twadde Keamer
1971-1982	Partijfoarsitter fan de VVD
1977-1981	Minister fan Ynlânske Saken
1977-1981	Twadde Minister-Preidint
1982-1994	Kommissaris fan de Keninginne fan Fryslân
1995-2000	Lid Earste Keamer

Hy wie fan 1982 - 1995 Kommissaris fan de Keninginne yn Fryslân. Fan 1995 - 2012 wie er foarsitter fan Soarchfersekerders yn Nederlân en hat dêrby noch in soad byfunksjes.

Biografy

Komôf en oplieding

Hans Wiegel syn heit wie binnenhûsarsjitekt, hie in meubelmakkersbedriuw en wie ek oannimer.

Wiegel siet yn Amsterdam op de iepenbiere legere Potgieterskoalle, dêrnei fan 1953 oant 1959 op it Gemeentlik Gymnasium yn Hilversum, dêr't er de B-rjochting folge. Dêrnei studearre er fan 1959 oant 1965 oan de Universiteit fan Amsterdam in stikmannich moannen rjochten en dêrnei politike wittenskippen wêryn't er syn kandidaatseksamen behelle. Hy wie in hurtsje lid fan it Amsterdamsk Studintekorps (A.S.C.) by it doe krekt oprjochte dispútgenoatskip E.N.E.R.G.I.A. mei as dispútsnamme 'W'.

Politike karriêre

Wiegel begûn syn karriêre by de Gooiske JOVD, de jongereinorganisaasje fan de VVD. Yn 1967 kaam er foar de VVD yn de Twadde Keamer. Yn 1972 wie er listlûker foar dy partij. Yn it earste kabinet Van Agt wie Wiegel minister fan Binnenlânske Saken. Fan 16 juny 1982 waard er as It orakel út Ljouwert kommissaris fan de Keninginne yn Fryslân. Fan 1995 - 2000 wie Wiegel lid fan de Earste Keamer. Yn de nacht fan 18 maaie op 19 maaie 1999 wie er yn de Nacht fan Wiegel fan grutte ynfloed op de fal fan it twadde Pearse Kabinet. Sûnt syn ôftreden as minister waard der in soad spekulearre op syn weromkommen as polityk lieder fan de VVD, mar yn 2006 joech er oan om reden fan 'persoanlike en politike aard' net werom te kommen yn de polityk.

Wiegel wurket tsjintwurdich as kolumnist fan it deiblêd "De Telegraaf". Wiegel waard op 1 augustus 2019 troffen troch in lyts harsensynfarkt.

Priveelibben

Hans Wiegel hat twaris troud west. Syn earste frou, Pien Frederiks (1954-1980), ferlear it libben by in auto-ûngemak yn 1980. Twa jier letter boaske er opnij mei Pien har âldere suster Marianne (1951-2005). Ek sy ferûngelokke troch in auto-ûngemak yn 2005.

Underskiedingen

Ridder yn de Oarder fan de Nederlânske Liuw (26 oktober 1981)
Kommandeur yn de Oarder fan Oranje-Nassau (28 april 1989)
Grutoffisier yn de Oarder fan Oranje-Nassau (20 jannewaris 1994)
Skipper yn Oarder fan de Sneker Pan (5 augustus 1994)
Earefoarsitter fan de JOVD (27 febrewaris 1999)

Boarnen, noaten en referinsjes

Boarnen, noaten en/as referinsjes:

Wiki Commons

Ofbylden dy't by dit ûnderwerp hearre, binne te finen yn de kategory Hans Wiegel fan Wiki Commons.

This article uses material from the Wikipedia Frysk article Hans Wiegel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.