Rotstergaast
Rotstergaast, earder ek Lytse Gaast, is in doarp yn it súdeasten fan 'e gemeente De Fryske Marren.
| Rotstergaast | ||
.jpg) | ||
| Polityk | ||
| Provinsje |  Fryslân | |
| Gemeente |  De Fryske Marren | |
| Sifers | ||
| Ynwennertal | 175 (1 jannewaris 2023) | |
| Oar | ||
| Postkoade | 8462 | |
| Tiidsône | UTC +1 | |
| Simmertiid | UTC +2 | |
| Koördinaten | 52° 54' N 5° 53' E | |
| Kaart | ||
  Lokaasje Rotstergaast yn Fryslân | ||
| Kaart | ||
 | ||
| Lokaasje Rotstergaast (grien) yn 'e eardere gemeente Skarsterlân. | ||
It doarp hat 175 (1 jannewaris 2023) ynwenners.
Skiednis
It doarp ûntstie fanút it doarp Rottum, dêr't útein set waard mei it oanmeitsjen fan it gebiet. Yn 1315 waard Rotstergaast fermeld as Rutnergast, yn 1350 as Gast en yn 1664 as Rotster Gaest. Yn 'e namme ferwiist gaast nei "hichte" en ferwiist Rotster nei Rottum. Yn 'e midsiuwen waard it Rutnergast neamd. Tusken Rotstergaast en Nijskoat lei Heechhout.
_tsjerke,_no_doarpsh%C3%BBs.jpg)
Yn 1315 hie Rotstergaast twa kapellen, ien dêrfan waard parochytsjerke dy't oan Jehannes Baptist wijd wie. Dy tsjerke waard yn 'e 18e iuw ôfbrutsen en ferfongen troch in klokkestoel. Nei de sloop fan 'e tsjerke waard Rotstergaast in buorskip of in útbuorren fan Rottum. It westlike diel hiet eartiids Westergaast, soms ek Lytse Gaast. De ynwenners libben foar in part fan 'e fiskerij en binne letter fral boeren woarn. Lang om let waard Rotstergaast wer offisjeel in doarp en nei in skoft waard ek Snakkerbuorren by Rotstergaast foege, dat yn 'e rin fan 'e tiid as in buorskip ûntstie tusken Rottum en Rotstergaast.
Yn 1928 krige it doarp in lytse kapel, dy't hjoed-de-dei as doarpshûs brûkt wurdt.
Oant 1934 wie Rotstergaast in doarp yn 'e gemeente Skoatterlân. Dêrnei hearde it doarp yn 'e gemeente Haskerlân. By de weryndieling fan 1984 gie it doarp nei de nije gemeente Skarsterlân en sûnt de opheffing fan Skarsterlân leit de gemeente yn 2014 yn De Fryske Marren.
It doarp hat gjin skoalle mear, de bern geane yn Sint Jansgea nei skoalle. Yn 'e âlde skoalle fan Rotstergaast hat noch in skoft keunstner Allard Elout († 2016) wenne. Earder waard dit agraryske gebiet bewenne troch fiskers dy't De Tsjonger befearen.
Natoer
Yn it noardwestlike diel fan it doarpsgebiet lizze de skarlannen yn 'e Grutte Sint-Jânsgeasterfeanpolder. Oan 'e westlike râne fan dat gebiet leit it natoergebiet Easterskar. Yn it Easterskar is de fûgelhut 'de Skiere Goes'. Oan 'e Tsjonger lizze de Rotstergaaster Wâlen. Der binne by Rotstergaast ek twa lytse eilantsjes yn 'e Tsjonger.
Mienskip
It doarpshûs fan it doarp is ûnderbrocht yn de eardere tsjerke.
Befolking
| 1954 | 1959 | 1964 | 1969 | 1973 | 2004 | 2022 |
|---|---|---|---|---|---|---|
| 125 | 270 | 275 | 262 | 230 | 215 | 180 |
Strjitten
- Biskopswei - neamd nei pleats De Biskop.
- Gaasterwei - foarmet de ferbining mei De Pôle yn Rotsterhaule.
- Skoatterwei - de dyk nei Aldskoat en Nijskoat.
- Snakkerbuorren - de buorskip Rotstergaast waard yn 1852 sa neamd troch master M.F. Koksma. Soe betsjutte kinne dat der in soad snakt of praten waard.
- Tsjerkepaad - paad nei it tsjerkje fan Aldskoat mei in draai oer de Engelenfeart mei klaphikjes.
Oars
Oan 'e ein fan 'e Skoatterdyk yn 'e súdeastlike punt fan it doarpsgebiet is in oerset foar fytsers oer de Tsjonger.
Sjoch ek
Publikaasje(s)
- Stichting Werkgroep Historie Sintjohannesga: Doarp oan 'e Tsjonger.
| Boarnen, noaten en/as referinsjes: | ||
|
This article uses material from the Wikipedia Frysk article Rotstergaast, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.