Guinee-Bissau is in lân yn West-Afrika.
| |||||
Offisjele taal | Portugeesk | ||||
Haadstêd | Bissau | ||||
Steatsfoarm | Republyk | ||||
Gebiet % wetter | 36.125 km² 31% | ||||
Ynwenners | 1.413.446 | ||||
Munt | CFA-frank (XOF) | ||||
Tiidsône | UTC +0 | ||||
Nasjonale feestdei | 24 septimber | ||||
Lânkoade | GIB | ||||
Ynternet | .gw | ||||
Tillefoan | 245 |
De haadstêd is Bissau, de twadde stêd fan it lân is Gabú.
It lân wurdt begrinzge troch:
De hiel bot ferbrokkele (brede) kustflakte fan Guinee-Bissau dy't mei rivieren wurdt trochsnien grinzget yn it easten oan in fochtige savanne en giet yn it mei súdeasten oer yn in heuvelich gebiet. Oan de kust lizze mangroven, yn it binnenlân is it sompich mei in protte moerassen. By de súdeastlike grins leit it Fouta-Djallon berchtme mei in hichte oant 300 meter.
De grutte rivieren binne de Kacheu, de Buba, de Géba en de Korubal. De riviermûningen befetsje sâlt wetter. Troch de floed kin dat wetter wol 100 km lânynwerts opstowe wurde en feroarsake in tijferskil fan 7 meter. As gefolch hjirfan komme ferskillende gebieten geregeld ûnder wetter te stean. Nettsjinsteande dizze wetteroerlêst is it kustgebiet tichtbefolke. Tusken de kust en de savannen yn it easten leit in tropysk reinwâld.
Yn de 16e iuw waarden troch de Portegezen oan de kust de earste hannelsposten stifte en heljen in protte slaven út it gebiet fuort. Guinee-Bissau wie tusken 1879-1974 in Portegeeske koloanje, nei de ûnôfhinklikens in demokrasy dy't abrupt einige mei in militêre steatsgreep. Nei de talitting fan nije partijen (1991) waarden yn 1994 de earste frije ferkiezings hâlden foar it "Nationaal Assemblee".
Yn Guinee-Bissau wenje 6 ferskillende befolkingsgroepen. De Balanta foarmje mei 25% de grutste groep, folge troch de Fulbe 20%, de Mandingo 12%, Manyako 10%, Papéis 10%. De groep Mestys (meastentiids fan Kaapverdyske komôf is nei skatting 10.000 grut.
Portugeesk (offisjele taal), Crioulo of Kriol (lingua franca), Fulfulde (Fulany), Mandingo
tradisjonele religys 50%, Islam 45%, kristendom 5%
This article uses material from the Wikipedia Frysk article Guinee-Bissau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.