Ferdrach Fan Versailles
It Ferdrach fan Versailles wie it wichtichste fan 'e fredesferdraggen dy't laten ta de ein fan 'e Earste Wrâldkriich.
Mei it ferdrach waard de steat fan oarloch tusken Dútslân en de Alliëarden formeel opheft. It ferdrach waard ûndertekene yn Versailles, op 28 juny 1919. De oare Sintrale Steaten dy't yn 'e Earste Wrâldkriich oan Dútske kant stiene – Eastenryk, Bulgarije, Hongarije en it Osmaanske Ryk – tekenen allegear in eigen fredesferdrach mei de Allïearden.
Fan alle bepalingen yn it ferdrach wie fierwei de wichstichste en meast kontroversjele dat Dútslân de ferantwurdlikens akseptearje moast foar alle feroarsake ferliezen en skea dy't de Alliëarden yn 'e oarloch lit hiene. Dy bepaling, Kêst 231, waard letter ek wol de 'Kriichsskuldklausule' neamd.
This article uses material from the Wikipedia Frysk article Ferdrach fan Versailles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.