Streptococcus: Bakteria genro
Streptokokoj - latine singulara genra nomo streptococcus, el la du malnovgrekaj vorteroj στρεπτός.
streptós ‚plektita‘ kaj κόκκος, kókkos ‚kerno‘ aŭ ‚grajno‘ - estas globoformaj, gram-pozitivaj bakterioj, kiuj prefere grupiĝas en diverslongaj ĉenoj, malpli ofte en paroj. Streptokokoj estas nemoveblaj kaj ne kreas sporojn. Kutime ili grandas inter 0,5 kaj 2.0 mikrometroj. Ili digestas precipe karbonhidratojn kaj en tiu digesto kreas laktoacidon. Bona medio por kresko kaj plurobligoj estas vasta temperatura gamo inter -10 °C kaj +45 °C, ideala medio temperaturo ĉirkaŭ 37 °C, la kutima senfebra homa korpotemperaturo.
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
Aliaj Vikimediaj projektoj | ||||||||||||
Steptokokoj oftas en la korpoj de homoj kaj aliaj mamuloj, kaj kutime ne kaŭzas malsaniĝon. Se tamen pro bakterie favoraj kondiĉoj aŭ malforta homa imuna sistemo la bakterioj ricevas la eblecon forte plimultiĝi, povas ekesti severaj infektaj malsanoj.
Klasigo kaj medicina signifo
Kutime oni klasigas la streptokokojn laŭ la klasifika sistemo de Lancefield ['le:nsfild]. Iuj streptokokaj specioj ekzistas en multaj subformoj kun diversaj antigenaj tipoj. Ekzemple de la specio streptococcus pneumoniae konatas 84 diversaj bakteriaj "triboj", kiuj diferencas en la strukturo de sia polisaĥarida surfaco.
Beta-hemolizaj streptokokoj de la grupo B estas infekta risko por ĵusnaskatoj: ili per vagina infekto de la patrino dum la nasko povas transiĝi al la novnaskato, kaj aparte en frunaskitoj povas kaŭzi sepson, meningiton kaj pneŭmonion. Tiukaze rekomendatas terapii la patrinon dum la naskoperiodo, ekde la unuaj naskospasmoj, per antibiotikoj.
Streptokokoj de la serologia grupo D oni kutime traktas kiel propran kategorion, nomatan enterokokoj.
Specioj
- Streptococcus agalactiae Lehmann kaj Neumann 1896
- Streptococcus anginosus (Andrewes kaj Horder 1906) Smith kaj Sherman 1938
- Streptococcus avium
- Streptococcus bovis Orla-Jensen 1919
- Streptococcus canis Devriese kaj aliaj 1986
- Streptococcus difficilis korektite Eldar kaj aliaj 1995
- Streptococcus durans (Sherman kaj Wing 1937) Knight kaj aliaj 1984
- Streptococcus dysgalactiae (Diernhofer 1932) Garvie kaj aliaj 1983
- Streptococcus equi Sand kaj Jensen 1888
- Streptococcus gallolyticus Osawa kaj aliaj 1996
- Streptococcus iniae Pier kaj Madin 1976
- Streptococcus mitis Andrewes kaj Horder 1906
- Streptococcus mutans Clarke 1924
- Streptococcus pasteurianus Poyart kaj aliaj 2002
- Streptococcus pneumoniae (Klein 1884) Chester 1901
- Streptococcus porcinus Collins kaj aliaj 1985
- Streptococcus pyogenes Rosenbach 1884
- Streptococcus salivarius Andrewes kaj Horder 1906
- Streptococcus sanguinis korektite White kaj Niven 1946
- Streptococcus suis (Elliot 1966) Kilpper-Bälz kaj Schleifer 1987
- Streptococcus uberis Diernhofer 1932
- Streptococcus viridans (kolekta kategorio)
This article uses material from the Wikipedia Esperanto article Streptococcus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.