Mensa Sano

El la vidpunkto de pozitiva psikologio aŭ holismo, mensa sano povas inkludi individuan kapablon por ĝui la vivon, kaj krei ekvilibron inter vivagado kaj klopodoj por atingi psikologian reziston. Laŭ la Monda Organizaĵo pri Sano (MOS aŭ en angla WHO) mensa sano inkludas "subjektivan bonfarton, perceptitan memefikon, aŭtonomecon, kapablon, intergeneracian dependon, kaj mem-ĝisdatigon de la propra intelekta kaj emocia potencialo, inter aliaj." Krome la MOS asertas, ke la bonfarto de individuo estas enhavata en la realigo de ties kapabloj, fronte al normalaj stresoj en la vivo, al produktiva laboro kaj al kontribuo al sia komunumo. Tamen, kulturaj diferencoj, subjektivaj taksadoj, kaj konkurencaj profesiaj teorioj, ĉiuj kontribuas siamaniere al kiel "mensa sano" estas difinita.

Persono luktanta kontraŭ sia konduta sano povas fronti kontraŭ streso, deprimo, anksieco, socirilataj problemoj, aflikto, adikto, atentomanka-hiperaktiva perturbo aŭ lernomalkapablo, afekcia perturbo, aŭ aliaj psikologiaj problemoj. Konsilistoj, terapiistoj, vivotrejnistoj, Wiki Esperantopsikologoj, flegistinoj aŭ kuracistoj povas helpi administri kondutsanajn aferojn per traktadoj kiaj terapio, konsilado, aŭ kuraciloj. La nova kampo de "tutmonda mensa sano" estas "la areo de studo, esplorado kaj praktikado, kiu metas kiel prioritaton la plibonigon de mensa sano kaj atingon de egaleco en mensa sano por ĉiuj homoj tutmonde".

Kelkaj mensasanaj klinikoj estas nuntempe identigitaj pere de la esprimo konduta bonfarto.

• Nacia Instituto pri Mensa Sano de Usono

• Bonfarto
• Psika malsano
• Psikiatrio
• Psikologio

• WHO Mental health and substance abuse
• Historio de Camarillo State Mental Hospital, 1936 – 1997, kun 7,000 pacientoj samtempe, kaj ĉefa en psikiatria eksperimentado
• International Mental Health
• Mental Health Department of Health (United Kingdom)
• NHS Confederation Mental Health Network Arkivigite je 2014-05-05 per la retarkivo Wayback Machine
• UK Mental Health Resource
• National Institute of Mental Health (Usono)
• Australian Network for Promotion, Prevention and Early Intervention for Mental Health Arkivigite je 2019-06-02 per la retarkivo Wayback Machine
• The National Mental Health Development Unit (NMHDU), Anglio
• Health-EU Portal Mental Health in the EU
• Monda Mens-sana Tago, 10a de Oktobro