Cruàsia

C'l artìcul chè 'l è scrit in Miranduléś

La Cruàsia (a s diś Republika Hrvatska in Cruàt) l'è na nasiòṅ dl'Európa dal sud ch'la s cata in dla penìśula balcanìca, in frònt a 'l Mâr Adriàtic, cun capitàl Śagàbria e Spàlat e Fiùm atri sità impurtànti. La cunfìna a nòrd cun la Śluvègna, a nòrd-èst cun l'Ungherìa, a èst cun la Sèrbia e a sud cun la Bòśgna-Erśegòvina e 'l Mòntnégar. La gh'à na superfìsi 'd 56.542 km² e la mùcia sù quàtar migliòṅ e tri 'd abitànt a 'l incìrca.

In dla penìśula dl'Ìstria, una dal sò vint regiòṅ, a s dascór anc 'l Itagliàṅ parchè in fiṅ a la secónda guèra mundiàla la fava part dl'Itàglia. Al turìśum al và dimóndi fòrt chè par via dal sò spiàgi pulìdi e tgnudi bèṅ.

La Cruàsia cuma stat indipendènt la gh'è da 'l 25 ad Śugn dal 1991 quànd la s è dastacàda da la Juguślàvia méntar da 'l 1 ad Luj dal 2013 la fà part dl'Ugnòṅ Européa.

Al sò prim minìstar, da 'l 19 'd Utóbar dal 2016, 'l è Andrej Plenković dl’Ugnòṅ Demucràtica Cruàta.

Culegamènt estéran

• (EN) Al sit ufisiàł da guèran

• Wiki Commons contiene file multimediali su Cruàsia