Franco Trentalance

Franco Trentalance (Bulógna, 9 ad Setémbar dal 1967) 'l è 'n scritōr, un persunàǵ televiśìṿ e 'n atōr itagliàṅ, cgnusû specialmènt p'r i sò film pòran avénd-an girâ da piò ad quàtar-sènt cun soquànt prèmi purtâ a cà. 'L à anc scrit un lìbar da 'l tìtul Trattare con cura e in soquànt pelìculi spurcaciòni al s è fat ciamàr Franco Trentalancia.

Biugrafìa

Prima 'd dvintàr 'n atōr pòran Franco da śōvan al scampa faghénd al barìsta e spurtìṿ in di vilàǵ turìstic. A vint-i-òt an al pasa a giràr di film malnét cuma Pippi e i Cazzi Lunghi e Banana meccanica tacànd acsè na caréra ch'in cal camp lè la durarà par quìnd'ś an.

In dal 2003 al fà 'l sò debùt in dal mónd dal cìnema tradisiunàł cun la pelìcula Uncut - Member Only ad Gionata Zarantonello, preśentâ a 'l Fèstival ad Lucàran, anc se pò lè al fà védar listés al sò uśèl. Dòp al film K. Il bandito (2007) al lavóra cun Fausto Brizzi in Com'è bello far l'amore.

Trentalance al dvènta anc un persunàǵ televiśìṿ andànd na quàlc vòlta a dascór'r a 'l Maurizio Costanzo Show. In dal 2008 al tōś part cuma cuncurènt a la tèrsa edisiòṅ dal prugràma La Talpa faghénd pròpria la tópa pò dū an dòp al fà 'l rapreśentànt d'l Amōr Prufàṅ in dla sésta edisiòṅ ad Ciao Darwin. In séguit al s mét a insgnàr al sès in dal prugràma Lucignolo.

Filmugrafìa

• 2003 - Uncut - Member Only, regìa ad Gionata Zarantonello
• 2007 - K. Il bandito, regìa ad Martin Donovan
• 2012 - Com'è bello far l'amore, regìa ad Fausto Brizzi
• 2013 - Sarebbe stato facile, regia di Graziano Salvadori
• 2014 - La corona spezzata, regia di Ruben Maria Soriquez
• 2016 - Oggi a te...domani a me, regìa ad Marco Limberti

Culegamènt estéran

• (EN) La sò schéda in s'l IMDb

Nòti