Kroatia (kroatiakielân Hrvatska) ađai Kroatia täsiväldi (kroatiakielân Republika Hrvatska) lii jiečânâs täsiväldi Adriameerâ riddoost Koskâ-Euroop maadâuásist.
Ton uáivikaavpug lii Zagreb. Kroatiast láá suulân 4 miljovn ässed.
Kroatia täsiväldi Republika Hrvatska (kroatiakielân) | |
---|---|
lippu | vaakun |
Staatâhäämi | täsiväldi |
President | Zoran Milanović |
Uáiviminister | Andrej Plenković |
Uáivikaavpug | Zagreb |
Eres kaavpugeh | Split, Rijeka, Osijek |
Vijđodâh | 56 594 km² |
– sisčääci | 1,09 % |
Ässeeloho (2020) | 4 058 165 |
– ässeesaahâdvuotâ | 73 ässed/km² |
Virgáliih kielah | kroatiakielâ |
Vaaluut | euro (EUR) |
Äigi | UTC+1 |
– kesiäigi | UTC+2 |
Jiečânâsvuotâ | |
– Jugoslaviast | kesimáánu 25. peivi 1991 |
Uánádâs | HR |
– fiävruin | HR |
– kirdemmašinijn | 9A |
Jotolâh | uálgispiälásâš |
Sundenummeer | +385 |
Internet TLD | .hr já .eu |
Aalmuglâšlaavlâ | Lijepa naša domovino |
|
Kroatia seervâi Euroop unionân syeinimáánu 1. peeivi 2013. Uđđâivemáánu 1. peeivi 2023 Kroatia seervâi eurokuávlun. Tot lii eurokuávlu 20. jeessânstaatâ. Siämmáá peeivi Kroatia seervâi meiddei Schengen-kuávlun.
Kroatia vijđodâh lii 56 594 km², mast 1,09 % lii čääci.
Kroatia lii Koskâ-Euroop maadâuásist. Ton ránnjástaatah láá taveviestârist Slovenia, tavenuorttân Uŋgar, nuorttân Serbia já maadânuorttân Bosnia-Hercegovina já Montenegro. Kroatiast staatârääjih láá ohtsis 2 237 km. Ton kuhemus rääji lii Bosnia-Hercegovinain; tot lii 1 011 km kukke. Uánihumos lii 23 km rääji Montenegroin.
Kroatia raajij kukkodâh | ||||
---|---|---|---|---|
Staatâ | Kukkodâh | |||
Slovenia | 668 km | |||
Uŋgar | 355 km | |||
Serbia | 318 km | |||
Bosnia-Hercegovina | 1 011 km | |||
Montenegro | 23 km | |||
Ohtsis | 2 375 km |
Viestârist Kroatia rájášuvá Adriameerân, mon nubebeln lii Italia. Merâriddo lii ohtsis 5 835 km kukke (4 058 km suolluin).
Kroatia hydrograflâš instituut (kroatiakielân Hrvatski Hidrografski Institut) mield Kroatiast láá ohtsis 79 suollud. Siämmáá instituut mield saavâst lii suálui, jis vijđodâh lii > 1,0 km². Jis vijđodâh lii 0,1 km² já 1,0 km² kooskâst, te saavâst lii lássá. Jis vijđodâh lii < 0,1 km², te saavâst lii keđgi.
Kroatia stuárráámuuh suolluuh láá Cres (405,70 km²), Krk (405,22 km²) já Brač (395,44 km²). Eres suolluuh, moi vijđodâh lii paijeel 100 km², láá Hvar (297,38 km²), Pag (284,18 km²), Korčula (271,47 km²) já Dugi Otok (113,30 km²).
Kroatia kuhemuuh juuvah láá Sava (562 km) já Drava (505 km).
Dalmatiast leijee Vranajävri lii Kroatia stuárráámus jävri vijđoduv mield. Ton vijđodâh lii 30,7 km². Kroatiast lii nubbe Vranajävri, mii lii Cressuollust. Ton vijđodâh lii tuše 5,8 km², mut tot lii Kroatia stuárráámus jävri saijaavuođâ mield.
Kroatia alemus saje lii Dinara čokke (1 831 m); vyeligumos lii Adriameerâ riddo (0 m).
Alemuuh čoheh Kroatiast | |||
---|---|---|---|
Vääri | Čokke | Alodâh | Koordinaateh |
Dinara | Dinara | 1 831 m (6 007 ft) | , 16°23′E |
Biokovo | Sveti Jure | 1 762 m (5 781 ft) | , 17°03′E |
Velebit | Vaganski vrh | 1 757 m (5 764 ft) | , 15°14′E |
Plješivica | Ozeblin | 1 657 m (5 436 ft) | , 15°45′E |
Velika kapela | Bjelolasica (Kula) | 1 533 m (5 030 ft) | , 14°58′E |
Risnjak | Risnjak | 1 528 m (5 013 ft) | , 14°45′E |
Svilaja | Svilaja | 1 508 m (4 948 ft) | , 16°27′E |
Snježnik | Snježnik | 1 506 m (4 941 ft) | , 14°35′E |
Kroatia stuárráámuuh kaavpugeh | ||||
---|---|---|---|---|
Kaavpug | Ässeeloho (2021) | |||
Zagreb | 663 592 | |||
Split | 149 830 | |||
Rijeka | 107 964 | |||
Osijek | 75 535 | |||
Zadar | 67 309 | |||
Pula | 52 220 |
|
|
This article uses material from the Wikipedia Anarâškielâ article Kroatia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.