საჰარა — მოსოფელიშ უკაბეტაში ქვიშამი ტიოზი, ფართობით 9 მლნ კმ².
საჰარა იდვალუაფჷ ოორუე აფრიკას. თიში ხანი დოხოლაფირო 2,5 მილიონი წანა რე. ჯოხო „საჰარა“ მოურს არაბულშე (صحراء) დო შანენს ტიოზის. თის აფრიკაშ ტერიტორიაშ დოხოლაფირო 1/4 უკებჷ, ანუ დახე ავსტრალიაშ მანგი ფართობი. საჰარაშ ხურგეფს ედომუშამო ვარ-და ნორთობურო იდვალუაფჷ 11 სახენწჷფო: მაროკო, ალჟირი, ტუნისი, ლიბია, ეგვიპტე, ბჟადალ საჰარა, მავრიტანია, მალი, ნიგერი, ჩადი, სუდანი. საჰარაშ უკაბეტაში ნორთი უწყარე დო შურუბუმუ რე, რახან თიშო დჷმახასიათაფალი რე ძალამი კონწარი დო უგურზებუ ორთაშობური პიჯალეფი: ზარხულს გჷშაგორილო მერეთი სინჩხე (ოროს ტემპერატურა +40-50 გრადუსის ოჭირინუანს); მერეთი სისქირუე (წანმოწანური ნოლექი დახე ირდიხას 100 მმ-შე მერკე რე, დო ნამუთინეგანს ჭვემა წანეფიშ განწეხანს ვა მურს); ჭყანიერი ხანგჷნძე ბორიეფი; ტემპერატურაშ დიდი დღა-სერული ძანძუა (ამპლიტუდეფი), მუჟამსჷთ დღაშით თაკარი რე, დო სერით ჸინუნს. გოტიოზაფაშ უმუჭყვიდუ პროცესიშ გეშა საჰარაშ ფართობი იძინანს. საჰარაშ რელიეფიშ დჷმახასიათაფალი ფორმეფი რე ბარხანი (თურქ.) დო დიუნა.
This article uses material from the Wikipedia მარგალური (Margaluri) article საჰარა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.