ხვიჩა კვარაცხელია: ქორთუ მობურთე
ხვიჩა კვარაცხელია თაშნეშე ჩინებული მუჭოთ კვარა (დ.
12 ფურთუთა, 2001, ქართი) — ქორთუ მობურთე. საქორთუოშ ერუანული ოკუჩხბურთე ნაკორობაშ დო იტალიური ოკუჩხბურთე კლუბი ნაპოლიშ ოშქაშემათხილე.
 | ||
 | ||
| დორხველი მუნაჩემეფი | ||
| დაბ. თარიღი | 12 ფურთუთა, 2001 | |
| დაბ. აბანი | ქართი, საქორთუო | |
| სიმაღალა | 183 სმ. | |
| წონა | 70 კგ. | |
| პოზიცია | ოშქაშემათხილე | |
| ერუან. ნაკორობა |  საქორთუო 11(5) | |
| ინფორმაცია კლუბიშ გეშა | ||
| კლუბი |  ნაპოლი | |
| ნომერი | 77 | |
| კარიერა | ||
| კლუბეფი | 2017-ასეშა | |
საკლუბე კარიერა
ორდოიანი კარიერა
2012 წანაშე ლაჸაფენდჷ ქართიშ „დინამოშ“ აკადემიას დო ახალნორდულ ბუნეფს. კვარაცხელიაქ კარიერა 2017 წანას, ქართიშ „დინამოს“ დიჭყჷ. ართი წანაშ უკული „რუსთავშა“ გეგნორთჷ.
მოსკოვიშ „ლოკომოტივი“
2019 წანაშ 15 ფურთუთას, კვარაცხელიაქ იჯარათ მოსკოვიშ „ლოკომოტივშა“ გეგნორთჷ. თიში დებიუტიქ რუსეთიშ პრემიერ ლიგას 2019 წანაშ 10 მელახის, მაჰაჩყალაშ „ანჟიშ“ სააწმარენჯოთ დიჭყჷ. ხვიჩაქ მოედანს 86 წუთის ილაჸაფუ, ჯეფერსონ ფარფანიშ მანგიორო.
2019 წანაშ 1 კვირკვეს, იჯარაშ ვადაშ გულაშ უკულ კვარაცხელიაქ ქჷდიტუ „ლოკომოტივი“. მოსკოვიშ „ლოკომოტივიშ“ მაწვართალ იური სიომინქ გაცხადჷ, ნამჷ-და გაბუსთებული რდჷ ხვიჩაშ ბუნაშე უკაშ დო „რუსთავშე“ უგშუჸიდურუაშ გეშა.
ყაზანიშ „რუბინი“
2019 წანაშ 6 კვირკვეს, კვარაცხელიაქ ხე მაჭარჷ ხუთწანიან კონტრაქტის ყაზანიშ „რუბინწკჷმა“. 2019 წანაშ 15 კვირკვეს, ხვიჩაქ გოლი გენთუღჷ ჸოფილ კლუბის, მოსკოვიშ „ლოკომოტივს“. კვარაცხელიაქ მაჟირა გოლი „რუბინიშ“ მუკაქუნალით, 2019 წანაშ 30 გერგობათუთას, გროზნოშ „ახმატიშ“ სააწმარენჯოთ გენთიღჷ. 2020 წანაშ ზარხულს გიბჟინჷ ინფორმაციაქ, ნამჷ-და „გალათასარაი“ ზად რდჷ ხვიჩაშო 15 მილიონი ევრო გეგნუგაფუდუკო, მარა ტრანსფერქ ვეგშართჷ. 2020 წანას კვარაცხელიაქ გეწ-გეწას სუმშა, გურიშმემაჭუეფქ მარაშინათუთას, ეკენიას დო გჷმათუთას ბუნაშ საუჯგუშო მობურთეთ გიშეჸონეს. 2020 წანას გიშეჸონეს საქორთუოშ წანაშ საუჯგუშო მობურთეთ.
2021 წანაშ დაჭყაფუს, L'Equipe-ქ გიმაბჟინჷ 21-ა ოშწანურას დუნაბადი 50 საუჯგუშო მობურთეშ ერკებული, ნამუსჷთ ხვიჩა რუსეთიშ პრემიერ ლიგაშ აკა წჷმმარინაფალი რდჷ.
ბათუმიშ „დინამო“
2022 წანაშ 7 მელახის, ფიფაქ გჷმაცხადუ, ნამჷ-და უკრაინაშა რუსეთიშ მინოკათუაშ გეშა, რუსეთის მარენჯი ლეგიონერეფს შეულებჷდეს ცანდჸურე მეუჭყორდესკონ კონტრაქტეფი 2022 წანაშ 30 მანგიშახ დო ნებაქ მიაჩეს ქაკათაფუდესკო რუსეთიშ გალე რინელ კლუბეფს 2022 წანაშ 30 მანგიშახ. 2022 წანაშ 24 მელახის ყაზანიშ „რუბინქ“ გაცხადჷ, ნამჷ-და კვარაცხელიაშ კონტრაქტი მეჭყორდჷ. კჷნ თიმ დღას ხვიჩაქ ბათუმიშ „დინამოს“ ქაკათჷ.
კვარაცხელიაქ ბუნაშ რანწკეფს 11 მატჩი მანჯჷ, სოდე 8 გოლიშ მითოღალა დო 2 საგოლე გინოჩამაშ კეთებაქ მაზუჯინჷ. ჯოხოთ გიადჷ ერუანული ლიგაშ მაჟირა წირეშ საუჯგუშო მოლაჸაფეთ.
ნაპოლი
2022 წანაშ 1 კვირკვეს, ხვიჩაქ ოფიციალურო გინირთჷ იტალიური ოკუჩხბურთე კლუბი „ნაპოლიშ“ მოლაჸაფეთ. 15 მარაშინათუთას, ნაპოლიშ აკოდგინალუას პირველი მატჩი მანჯჷ სერია A-ს „ელას ვერონაშ“ სააწმარენჯოთ დო მატჩიშ 37-ა წუთის გენთიღჷ მუში პირველ გოლი. 21 მარაშინათუთას, სერია А-შ მაჟირა მატჩის დუბლი არსულჷ „მონცაშ“ სააწმარენჯოთ (4:0).
საკლუბე სტატისტიკა
| კლუბი | სეზონი | ლიგა | თასი | კონტინენტური | შხვა | გვალო | ||||||
|---|---|---|---|---|---|---|---|---|---|---|---|---|
| დივიზიონი | მატჩი | გოლი | მატჩი | გოლი | მატჩი | გოლი | მატჩი | გოლი | მატჩი | გოლი | ||
| დინამო ქართი | 2017 | ერუანული ლიგა | 4 | 1 | 1 | 0 | — | — | 5 | 1 | ||
| გვალო | 4 | 1 | 1 | 0 | 0 | 0 | 0 | 0 | 5 | 1 | ||
| რუსთავი | 2018 | ერუანული ლიგა | 18 | 3 | 0 | 0 | — | — | 18 | 3 | ||
| გვალო | 18 | 3 | 0 | 0 | 0 | 0 | 0 | 0 | 18 | 3 | ||
| ლოკომოტივი მოსკოვი | 2018–19 | რპლ | 7 | 1 | 3 | 0 | – | – | 10 | 1 | ||
| გვალო | 7 | 1 | 3 | 0 | 0 | 0 | 0 | 0 | 10 | 1 | ||
| რუბინი ყაზანი | 2019–20 | რპლ | 27 | 3 | 1 | 0 | — | — | 28 | 3 | ||
| 2020–21 | 23 | 4 | 0 | 0 | — | — | 23 | 4 | ||||
| 2020–21 | 19 | 2 | 1 | 0 | 2 | 0 | — | 22 | 2 | |||
| გვალო | 69 | 9 | 2 | 0 | 2 | 0 | 0 | 0 | 73 | 9 | ||
| დინამო ბათუმი | 2022 | ერუანული ლიგა | 11 | 8 | — | — | — | 11 | 8 | |||
| ნაპოლი | 2022–23 | სერია A | 2 | 3 | 0 | 0 | 0 | 0 | — | 2 | 3 | |
| გვალო | 111 | 25 | 6 | 0 | 2 | 0 | 0 | 0 | 119 | 25 | ||
პიჯური რინა
ხვიჩაშ მუმა რე ჸოფილი მობურთე ბადრი კვარაცხელია (დ. 1965). 2000 წანას ბადრი კვარაცხელიაქ მანჯჷ 3 მატჩი აზერბაიჯანიშ ნაკორობას. ლაჸაფენდჷ ქორთულ დო აზერბაიჯანულ კლუბეფს. ჸუნს უკულაში ჯიმა, თორნიკე კვარაცხელია (დ. 2010) ნამუთ „ავაზაშ“ ოკუჩხბურთე აკადემიას ლაჸაფენს. კვარაცხელია ქირსიანი რე.
რესურსეფი ინტერნეტის
- ხვიჩა კვარაცხელია — ყაზანიშ „რუბინიშ“ ოფიციალურ ვებ-ხასჷლას
- ხვიჩა კვარაცხელია Archived 2021-05-04 ვებ-ხასჷლას Wayback Machine. — უეფაშ დინნაჭარა
- ხვიჩა კვარაცხელია — საქორთუოშ ბიოგრაფიული ლექსიკონი
- ხვიჩა კვარაცხელიაშ პროფილი ერუანული ლიგაშ ვებ-ხასჷლას
- ხვიჩა კვარაცხელია Facebook-ის
- UEFA
- FIFA
- ხვიჩა კვარაცხელია — სტატისტიკა საიტის Soccerbase.com (ინგლისური)
| AFS · EU-Football.info · FBref.com · FootballDatabase.eu · National Football Teams.com · Soccerbase · Soccerway · playmarkerstats.com · Transfermarkt · WorldFootball.net |
სქოლიო
This article uses material from the Wikipedia მარგალური (Margaluri) article ხვიჩა კვარაცხელია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.