პითაგორა
პითაგორა სამოსარი (ჯვ.
ბერძნ. Πυθαγόρας ὁ Σάμιος; დ. დოხოლაფირო ჯვ.წ. 570, სამოსი — ღ. დოხოლაფირო ჯვ. წ. 495, კროტონე ვარდა მეტაპონტი) — ჯვეში ბერძენი მათემატიკოსი დო ფილოსოფოსი, პითაგორეიზმიშ დუმარსხუაფალი. შინელი რე პითაგორაშ თეორემათ. პითაგორაქ მიშეღჷ დიდი თია ჯვ.წ. VI ოშწანურაშ ფილოსოფიური დო რელიგიური რჩქინაშ გოვითარაფაშა. პითაგორა მოღალენდჷ მენცარობაშ შხვადოშხვა დარგეფს.
| პითაგორა | |
| ჯვ. ბერძნ. Πυθαγόρας ὁ Σάμιος | |
 პითაგორაშ ბიუსტი რომიშ კაპიტოლიუმიშ მუზეუმს | |
| დაბადებაშ თარიღი: | დოხოლაფირო ჯვ.წ. 570 |
|---|---|
| დაბადებაშ აბანი: | სამოსი |
| ღურაშ თარიღი: | დოხოლაფირო ჯვ. წ. 495 (75 წანერი) |
| ღურაშ აბანი: | კროტონე ვარდა მეტაპონტი |
| ომენცარე სფერო: | ეთიკა |
პითაგორაშ იდეეფს რე გერსხილი მეტემფსიქოზი, ნამუსჷთ შურეფიშ ტრანსმიგრაციას ხოლო უძახჷნა, თაშნეშე სფეროეფიშ ჰარმონიაშ დოქტრინა, ნამუთ ასტრონომიული ობიექტეფიშ, ბჟაშ, თუთაშ, მურიცხეფიშ ჸარაფის ეთმოჭარუნს მუჭოთ მუსიკალურ ფორმას.
პითაგორაშ ბიოგრაფიაშე ბრელი მუთუნი ვარე რჩქინელი. პითაგორა სამოსის დაბადებე. მუ გონათაფა უღუდუნჷ, მენცარეფს ვაუჩქუნა. დოხოლაფირო ჯვ. წ. 530 წანას პითაგორას კროტონიშა მიდურთუმჷ დო ჸათაქ დურსხუაფჷ მუში სკოლა. ართ-ართი ვერსიათ პითაგორა ჯვ.წ. 495 წანას დუჸვილუნა. მაჟირა ვერსიათ პითაგორას ნოღა მეტაპონტიშა მიდურთუმჷ, სოდეთ მუში ღურათ დოღურე.
რესურსეფი ინტერნეტის
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article პითაგორა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.