Ni Nelson Rolihlahla Mandela (Panangibalikas a Xhosa: ; (18 Hulio 1918 – 5 Disiembre 2013) nagserbi a kas Presidente iti Abagatan nga Aprika manipud idi 1994 aginggana idi 1999, ket isu idi ti immuna nga Abagatan nga Aprikano a presidente a nabutosan ti maysa nga napno a pannakabagi a demokratiko a panagbutos.
Sakbay a nagbalin a presidente, ni Mandela ket maysa idi a mannakigubat a kontra-aparteid nga aktibista, ken ti daulo ken kumadua a daulo iti Umkhonto we Sizwe, ti siigam a payyak iti Nailian a Kongreso ti Aprikano (ANC). Idi 1962 isu ket naibalud ken napadaksan iti sabotahe ken dadduma pay apabasol, ken nasentensiaan a maibalud ti napno a panagbiagna. Ni Mandela ket nagserbi iti 27 a tawtawen iti pagbaludan, ken nagyan kadagiti kaaduan a tawen idiay Isla ti Robben. Kalpasan ti panakawayana iti pagbaludan idi 11 Pebrero 1990, Ni Mandela ket nangidaulo ti partidona para kadagiti negosasion a nagbanagan ti demokrasia idi 1994. Kas iti presidente, kankanayonna nga inpauna dagiti panagtunos, bayat nga nangipakaammo kadagiti annuroten para kadagiti panagkontra ti kapanglawan ken dagiti di-katimbengan idiay Abagatan nga Aprika.
Nelson Mandela OM AC CC OJ GCStJ QC GColIH RSerafO NPk BR MRCSI | |
---|---|
Presidente ti Abagatan nga Aprika | |
Nagakem 10 Mayo 1994 – 14 Hunio 1999 | |
Deputado | Thabo Mbeki Frederik Willem de Klerk |
Inunaan ni | Frederik Willem de Klerk A kas ti Presidente ti Estado |
Sinaruno ni | Thabo Mbeki |
Maika-19 a Sekretario Heneral ti Di-Naikameng a Tignay | |
Nagakem 2 Septiembre 1998 – 14 Hunio 1999 | |
Inunaan ni | Andrés Pastrana Arango |
Sinaruno ni | Thabo Mbeki |
Dagiti bukod a salaysay | |
Naiyanak | Rolihlahla Mandela 18 Hulio 1918 Mvezo, Abagatan nga Aprika |
Natay | 5 Disiembre 2013 Houghton, Johannesburg, Abagatan nga Aprika | (tawen 95)
Pakipagilian | Abagatan nga Aprikano |
Partido ti politika | Nailian a Kongreso ti Aprika |
A(s)sawa | Evelyn Ntoko Mase (1944–1957) Winnie Madikizela (1957–1996) Graça Machel (1998–agdama) |
Annak | 6 |
Pagtaengan | Asienda ti Houghton, Johannesburg, Gauteng, Abagatan nga Aprika |
Alma mater | Unibersidad ti Kota Hare Akin-ruar a Sistem ti Unibersidad ti Londres Unibersidad ti Abagatan nga Aprika Unibersidad ti Witwatersrand |
Pirma | |
Website | Pundasion ni Mandela |
Idiay Abagatan nga Aprika, ni Mandela ket kadawyan a naamammuan a kas ni Madiba, daytoy ket ti Xhosa a sangkabagi a nagan; wenno kas ni tata (Xhosa: ama). Ni Mandela ket nakaawat kadagiti ad-adu ngem 250 a premio kadagiti sumurok a uppat a dekado, a mairaman ti 1993 a Premio Nobel ti Kappia.
This article uses material from the Wikipedia Ilokano article Nelson Mandela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.