Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Nelson Rolihlahla Mandela (Xhosa; IPA: /xoˈliɬaɬa manˈdeːla/) (Mvezo, 18 juli 1918 – Johannesburg, 5 dieëtsember 2013) waas 'ne Zuud-Afrikaansen anti-apartheidsstriejer en politieker.
Vanaaf 1944 waas Mandela betróch bieje stried van 't Afrikaans Nationaal Congres (ANC) taenge de apartheid in Zuud-Afrika. Es de leier vanne milletaeren tak van 't ANC woort t'r in 1963 opgepak en kreeg t'r 'n laeveslang gevengenisstraof opgelag. In 1990 koom d'r vrie en woort 't ANC gelegaliseerdj. Same mit president F.W. de Klerk kreeg Mandela in 1993 de Nobelpries veure Vraej veur "häör inspanninge veur 't vraejzaam ènj van 't apartheidsrezjiem en 't lègke vanne fóndieëringe veur e nuuj dimmekratisch Zuud-Afrika".
Bieje ieëste vriej, neet-raciaal verkezingen in 1994 woort d'n op det memènt viefensevetigjäörige Mandela gekaoze toet president van 't Republiek van Suid-Afrika. In 1999 trooj d'r aaf. In Zuud-Afrika wuuertj t'r betrach es de "Vader des Vaderlandjs". Ziene bienaam waas Madiba, de naam in ziene clan veur Thembu-keuninge.
This article uses material from the Wikipedia Limburgs article Nelson Mandela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.