Publiek Domein
Dit artikel is gesjreve (of begós) in 't Valkebergs.
Laes hie wie v'r mit de versjillende saorte Limburgs ómgaon.
Publiek domein of Public domain beteikent dat werke (bieveurbeeld tekste, sofware, muziek en kuns) gans vrie zint van auteursjrechte. Dat wilt zègke dat ederein mèt 'n werk dat ónder 't publiek domein vèlt kènt doon wat 'r wilt, zónder begrenzinge. E werk kump in 't publiek domein terech es de auteursjrechte verloupe. In Europa verloupe anno 2007 de auteursjrechte 70 jaor nao d'n doad van de maker. Es de maker neet bekènd ies of es 'n insjtèlling, bedrief of organisatie es maker ies aangegeve, verlöp 't auteursjrech 70 jaor nao de rechmaotige publicatie van 't werk.
Eder werk vèlt automatisch ónder 't auteursjrech, ouch al ies dit door de auteur neet vermeld. 'ne Auteur kènt claime dat zien werk ónder 't publiek domein vèlt, meh in 't Europees rechssysteem kènt me gein wètte die toesjtoon um 'n werk publiek domein te make es auteur. 't Ies dus mer de vraog of zoa'n publiekdomeinsjtatus rechsgeldig ies. 'ne Auteur kènt 'n werk ouch ónder 'n licentie publicere, bieveurbeeld de GFDL of 'n Creative Commons-licentie.
Werke van de Amerikaanse euverheid valle ouch ónder 't publiek domein.
This article uses material from the Wikipedia Limburgs article Publiek domein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.