Arseen
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Arseen, arsieën of arsenicum is e sjemisch element mit es symboeal As en 't atoeamnómmer 33. 't Is e metalloied det 'n aantaal versjillige allotroeape kèntj. De alderbekandjste vorm is gries arseen. Dit haet 'n structuur die me kan vergelieke mit 'n geboecheldje vorm vanne grafietstructuur. De dampfaas bevatj As4-molecule, de me kan vergelieke mit die van wit fosfor. d'n Damp kan bie lieëg temperature waere gecondenseerdj toet 'ne moleculaire gaelen allotroop dae de grótste vergiftigheid en reactiviteit vertuuentj. Juus wie wit fosfor is gael arseen leechgeveulig en geit t'r inne gries vorm euver ónger invlood van leech. Naeve dees twieë vörm guuef 't ónnag 'n zwarte faas die 'n structuur haet die me kan vergelieke mit die van roeaje fosfor.
This article uses material from the Wikipedia Limburgs article Arseen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.