Moskoviom

Skinoberiek-kenañ eo. War-dro 0,65 eilenn hepken eo hanter-vuhez an izotop stabilañ a anavezer, ²⁹⁰Mc.
E taolenn drovezhiek an elfennoù emañ er strollad 15, an drovezh 7 hag ar bloc'h p, hini an elfennoù ez eo ns² np^1–6 o aozadur elektronek.

Moskoviom
Fleroviom – Moskoviom – Livermoriom
Bi Mc Taolenn beriodek
Perzhioù hollek
Niver atomek	115
Rummad kimiek	Metal paour
Strollad	15
Trovezh	7
Bloc'h	p
Tolz atomek	[289]
Aozadur elektronek
[Rn] 5f14 6d10 7s2 7p3 Dasparzh an elektronoù : 2, 8, 18, 32, 32, 18, 5
Perzhioù atomek
Niver oksidadur	(stlenn ebet)
Tredanleiegezh	(stlenn ebet) (Skeul Linus Pauling)
Gremmoù ionadur	1 : 538 kJ/mol 2 : (stlenn ebet) 3 : (stlenn ebet)
Skin atomek	(stlenn ebet)
Skin kenamsav	162 pm
Skin Van der Vaals	(stlenn ebet)
Perzhioù fizikel
Arvez	Kaled (diouganet)
Douester (≈20 °C)	22,0 g/cm3 (brasjedet)
Teuzverk	(stlenn ebet)
Bervverk	(stlenn ebet)
Tredanharzusted	(stlenn ebet) nΩ•m (e 20 °C)

Muioc'h a restroù diwar-benn

Moskoviom

a vo kavet e Wiki Commons.

En Ensavadur Unvanet an Enklaskoù Nukleel (Joint Institute for Nuclear Research, JNJR ; ruseg : Объединённый институт ядерных исследований, ОИЯИ) e Dubna (Oblast Moskov) e voe kevanaozet e miz Eost ar bloaz 2003 dre genlabour ur skipailh rusian, renet gant ar c'helenner Youri Oganessian (ganet e 1933) hag unan stadunanat el Lawrence Livermore National Laboratory e Livermore (Kalifornia).
D'an 2 a viz C'hwevrer 2004 ez embannas an enklaskerien o devoa skinataet amerikiom-243 gant ionoù kalkiom-48 ha bet peder atomenn eus un elfenn nevez, dre an izotopoù ${\displaystyle {}_{\ 115}^{287}\operatorname {[?]} }$  ha ${\displaystyle {}_{\ 115}^{288}\operatorname {[?]} }$  ; goude ur 100 ms e tigevanjont en ur ezteurel rannoùigoù alfa ha treiñ da izotopoù nihoniom, ${\displaystyle {}_{\ 113}^{283}\operatorname {Nh} }$  ha ${\displaystyle {}_{\ 113}^{284}\operatorname {Nh} }$ .
E 2009-10 e voe kavet an izotopoù Mc-289 hag Mc-290 dre zigevanidigezh an Tenness, ²⁹³Ts ha ²⁹⁴Ts ; diwezhatoc'h e voe kevanaozet an izotop ²⁸⁹Mc ivez, war-eeun ar wech-se.

E 2011 e voe ensellet al labourioù-se gant an International Union of Pure and Applied Chemistry (IUPAC) hag an International Union of Pure and Applied Physics (IUPAP), na gadarnjont ket ar gavadenn. Goude danevelloù all bet embannet gant SUA e 2015 e voe anzavet ar gavadenn gant an IUPAC, hag aotreet e voe an enklaskerien da ginnig un anv evit an elfenn nevez. E miz Mezheven 2016 e voe moskoviom an anv ofisiel, en enor da Oblast Moskov.

Ne ouzer netra a-zivout an elfenn ₁₁₅Mc er-maez eus he aozadur elektronek.

E taolenn drovezhiek an elfennoù emañ er strollad 15, hini ar pniktogenoù : ₇N, ₁₅P, ₃₃As, ₅₁Sb ha ₈₃Bi.

• Eus an henc'hresianeg πνίγειν pnigein "mougañ" e teu an anv pniktogen abalamour ma seblant perzhioù an nitrogen mougañ a-feur ma tiskenner er strollad 15 eus an drovezh 1 d'an hini 7, daoust da aozadur elektronek an elfennoù-se bezañ ns² np³ bepred.

Pevar izotop eus ₁₁₅Mc zo bet kavet.

A-zivout ar bann "Digevanañ"

• α a dalvez ez eztaol an elfenn ur rannig alfa (kraoñell ₂He) en ur zigevaniñ.