Moskovii (Mc — moscovium latinan kelel) om 115nz' himine element himižiden elementoiden periodižes tabludes.
Sen sijaduz om videndestoštkümnendes gruppas, tabluden seičemendes periodas.
115 | 5 18 32 32 18 8 2 |
Mc (289) | |
Moskovii |
Ei ole olmas moskovijad londuses. Se om transaktinoidine ratud element.
Venämalaižiden tedomehiden grupp (amerikaižen Livermoran labiratorijan ühtnendanke) avaiži moskovijan Dubnas vn 2003 kezal, sintezirui 287- i 288-izotopoid americijaspäi i kal'cijaspäi. Voziden 2004−2005 kodviš Dubnan tedomehed tedoižiba moskovijan čihodamižen čepiišt i vahvištiba avaidust, vll 2010−2011 sinteziruiba 289-izotopad sil-žo südäitukreakcijal. Vn 2016 28. päiväl kül'mkud IUPAC vahvišti elementan nimitusen Moskvan ümbrišton vanhan nimen mödhe (Moskovii, ven.: Московия), kus Dubn-lidn om saudud, sihesai kucuihe sidä Ununpentii-nimeks (Uup) da eka-vismutaks.
Moskovii sädase tennessinan α-čihodamižes mugažo.
Moskovii om radioaktivine, ezimeletaden päličmänendatoi metall.
Atommass — 289. Ninevuz (normaližiš arvoimižiš) — 13,5 g/sm³ (ezimeletaden). Suladandlämuz — 670 K (400 C°, ezimeletaden). Kehundlämuz — 1400 K (1130 C°, ezimeletaden).
Vodele 2021 kaik om viž avaitud izotopad 286..290 atommassanke, izomärid ei ole. Kaikiš hätkemban moskovii-290-izotopan pol'čihodamižen pord om 0,65 sekundad. Kaik izotopad kändasoiš nihonijaks α-čihodamižes.
Moskovii (himine element) Vikiaitas |
This article uses material from the Wikipedia Vepsän article Moskovii (himine element), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.