ཁུང་ཙི
ཁུང་ཙི(རྒྱ་སྐད: 孔子)་ནི་(ད་ལྟའི་ཧྲན་ཏུང་ཆུས་ཧྥུའུ་)ཡི་མི་ཡིན་ཞིང་ཁོང་གི་ཕ་ཡུལ་ནི་ཧ་ནན་ཤའ་ཡི་དུ་རེད། ཁོང་ནི་ཀྲུང་གོ་ཁྲོན་ཆིའུ་དུས་རབས་ཀྱི་བསམ་བློ་བ་མཁས་ཅན་དང་སློབ་གསོ་མཁས་ཅན་ཞིག་རེད། ཁུང་ཙི་ནི་ཀྲུང་ཧྭ་རིག་གནས་ནང་གི་གཞུང་ལུགས་གཙོ་བོ་རུའུ་ལུགས་ཀྱི་སློབ་དཔོན་ཐོག་མ་རེད།
མི་ཚེ།
ཁུང་ཙིའི་མཚན་ལ་ཆིའུ་དང་མཚན་གཞན་ལ་ཀྲུང་ཉི་ཞུ་ཞིང་ལུའུ་རྒྱལ་ཁབ་ཀྱི་མི་ཡིན། སྐུ་ན་གཞོན་དུས་དཔོན་ཆུང་ཙམ་མཛད་མྱོང་། དགུང་ལོ་ལྔ་བཅུར་བུད་པའི་གཞུག་ཏུ་ད་གཟོད་ལུའུ་རྒྱལ་ཕྲན་གྱི་སི་ཁུའུ་ཞེས་པའི་ཁྲིམས་དཔོན་གྱི་གོ་ས་ཐོབ་ཀྱང་ཆབ་སྲིད་ཀྱི་ལྟ་བ་གཞན་དང་མི་མཐུན་པས་ཅང་མ་འགོར་པར་ལུའུ་རྒྱལ་ཁབ་དང་བྲལ། སྐབས་དེར་རྒྱལ་ཁམས་ཡོངས་སུ་ལུགས་སྲོལ་ཞིག་ཅིང་ཉམས་པར་གྱུར་ཏེ་རྒྱལ་ཕྲན་རྒྱལ་པོ་གནམ་སྲས་གོང་མ་ལས་སྟོབས་ཀྱིས་དྲེགས་ཤིང་ཏ་ཧྥུ་(དཔོན་གནས་ཤིག)རྒྱལ་ཕྲན་རྒྱལ་པོ་ལས་མངའ་ཐང་རྒྱས་པ་བྱུང་བའི་ཁར། བློན་པོ་དང་རྒྱལ་ཕྲན་རྒྱལ་པོས་རྒྱུན་པར་གྱེན་ལོག་བྱས་ནས་གནམ་སྲས་གོང་མའི་དབང་ཆ་སྤྱོད་པ་བྱུང་། གནས་ཚུལ་དེ་དག་བསྒྱུར་བའི་ཆེད་དུ། ཁུང་ཙི་རྒྱལ་ཕྲན་ཀུན་ཏུ་འགྲིམས་པ་གནང་ནས་ཀྲོའུ་རྒྱལ་རབས་ཀྱི་གུས་སྲོལ་སྤེལ་ཀྱང་ཕམ་ཁ་ཡང་ཡང་བཞེས་དགོས་བྱུང་། ཁོང་ཉིད་ཕྱིར་ལུའུ་རྒྱལ་ཕྲན་དུ་ཕེབས་རྗེས། སློབ་བུ་བསྡུས་ནས་སློབ་ཁྲིད་གནང་བ་བརྒྱུད་དེ་མུ་མཐུད་དུ་རང་ཉིད་ཀྱི་ཆབ་སྲིད་ཕུགས་བསམ་ཁྱབ་སྤེལ་མཛད་པས་རླབས་ཆེ་བའི་བསམ་བློ་པ་དང་སློབ་གསོ་པ་ཞིག་ཏུ་གྱུར།
པར་རིས་བར་འཁྱམས།
ཟིན་ཐོ་འམ་དཔྱད་གཞི།
དཔྱད་གཞིའི་དཀར་ཆག:
 | རྩོམ་ཡིག་འདི་ཆ་མི་ཚང་བས་རྩོམ་ཡིག་འདི་ཆ་ཚང་བོར་བཟོས་ནས་ཝེ་ཁེ་རིག་མཛོད་གོང་འཕེལ་གཏོང་རོགས། རྩོམ་སྒྲིག། |
This article uses material from the Wikipedia བོད་སྐད article ཁུང་ཙི, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). དེ་མིན་གྱི་མཆན་འགྲེལ་ཡོད་ན་མ་གཏོགས། དྲ་བའི་ནང་དོན་ CC BY-SA 4.0 སྟེང་དུ་ཡོད། Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki བོད་སྐད (DUHOCTRUNGQUOC.VN) is an independent company and has no affiliation with Wiki Foundation.