Вештарт

Асноўны артыкул: Імёны ліцьвінаў

Вестард або Вістард (Westhard, Guistardus) — імя германскага паходжаньня. Іменная аснова віст- (вест-) (імя ліцьвінаў Вештар; германскае імя Wistarius) паходзіць ад гоцкага *wist, германскага west 'захад', а аснова -гард- (-гарт-, -арт-) (імёны ліцьвінаў Бэйнарт, Ленарт, Мэйнарт; германскія імёны Beynart, Lenhardt, Meinhart) — ад гоцкага hardus 'моцны, цьвёрды'.

Паводле менскага дасьледніка Алёхны Дайліды, які разьвівае усходнегерманскую этымалёгію імёнаў літоўскіх князёў і баяраў, імя Вештарт складаецца з асноваў -віс- (-віз-, -веш-) (імёны ліцьвінаў Вісігерд, Вісімунт, Вішымут; германскія імёны Wisigard, Wisemund, Vismuot), якая паходзіць ад гоцкага wis 'мудры, абазнаны', і -друд- (-трут-, -трот-) (імёны ліцьвінаў Гаўдрут, Гендрута, Кондрут; германскія імёны Gautrude, Genedrudis, Cundrud), якая паходзіць ад гоцкага і германскага þruþs 'мажнасьць, веліч'. Такім парадкам, імя Вештарт азначае «мажнасьць мудрасьці». Адзначалася германскае імя Wistrud.

У Зэмгаліі гістарычна бытавала імя Viesthardus (Vesthardus, Vestardus, Westhard).

У Польшчы адзначаюцца прозьвішчы Вештарт (Wiesztordt, Wiesztort) і Віштарт (Wisztart).

Варыянты імя ў гістарычных крыніцах: die gefangen czu Konigisberg aws Litauwen. Wösthord von Salshenik eyn beyor (1422—1429 гады); Стекаланцовъ семъ чоловековъ… а Вестерта, пан Мишко Вештортович, а Вешторту Совичевичу тридцат чоловековъ, Мишку Вештортовичу деветь чоловеков (1440—1492 гады); бояре Радуньскіе Круповичы… Янъ Вештортовичъ (1444 год); Hanczo Wisztortowicz (14 студзеня 1459 году); пану Мишку Вешътортовичу (19 лістапада 1466 году); пану Мишку Вишътортовичу (21 сакавіка 1468 году); я Мишъко Вишътортович, наместник Слонимский (па 21 сакавіка 1468 году); Jacko Wiesztortowicz (1 жніўня 1472 году); nobilis Jacko Wiestortowicz (31 кастрычніка 1484 году); Виштортовичы (30 сакавіка 1488 году); держалъ отъ насъ Слонимъ небощивъ панъ Мишко Вештортовичъ (28 сакавіка 1490 году); на бортина ж, на Яцка Вештортовича… Вештортъ, отец того Яцка (17 чэрвеня 1495 году); Вештортовичы… которыи ж въ Еишишках живуть (11 лютага 1496 году); ego Joannes Vestortovycz (30 ліпеня 1501 году); Joannes Westortowicz (20 траўня 1503 году); в Радуньскои волости… земли пустовъскии… Вештортовъщину (22 ліпеня 1509 году); po śmierci Stanisława Wieszthołda… dobra Sielce w starostwie Słonimskim liezące po śmierci Stanisława Wieszthorda (17 сакавіка 1521 году і 4 сьнежня 1555 году); Матеи Вештортовичъ, Павел Вишътартортовичъ, Павел Вештортовичъ (1528 год); листъ бояромъ еишиским, Виштортовичомъ… боярынъ повету Троцкого, волости Еишышское Стась Мицеиковичъ Вишътортовича и з братьею своею, Андреемъ Мильковичомъ а Станиславомъ Стецковичомъ Вишъторътовичы (14 сьнежня 1536 году); Киркут Вештортович… Юшко Вештортович… Стан Вештортович (1 ліпеня 1542 году); село Вейстортовичи (1554 год); а Янушка Вишътортовича, боярына пани Станиславовое Кищыное, воеводиное витебъское, именья ее милости Смыцъкого (7 студзеня 1566 году); Адамъ Петровичъ Виштортовичъ, Гришко Вештортович (1567 год); Рынко Вештортович (9 ліпеня 1572 году); nobilibus… Ioanne Wistort (2 красавіка 1609 году); Jan Hamszey Wisztortowicz (7 сакавіка 1624 году); на име Вешторта Лиштвана… сына его, небощыка Федора Лиштвановича (7 верасьня 1646 году); u JMP. Wisztorda (1690 год); Wisztordy (1744 год); Parafia łuczajska… Wiesztorty wieś, Wiesztortowszyzna, zaścianek… Wiesztortowszyzna, okolica szlachecka (1784 год).

• Вештарт († каля 1441) — літоўскі баярын, меў сыноў Мішку і Яцку
• Вештарт Совічавіч — літоўскі баярын, які атрымаў наданьне ад вялікага князя Казімера
• Мікалай Балтрамеевіч Паўловіч Вештарт — вількійскі зямянін, які ўпамінаецца ў 1590 годзе
• Ліштван Вештарт — полацкі баярын, які ўпамінаецца ў 1646 годзе; меў сына Фёдара

Вештарты — парафіяне касьцёла ў Будславе на 1853 год.

Вештарты або Вештарды (Wiesztort, Wiesztord) — прыгонныя зь мястэчка Сьвіру, якія ўпамінаюцца ў XIX стагодзьдзі.

Вештарты (Wiesztort) — прыгонныя зь вёсак Хведзевічаў, Недрашлі, Мілойцяў, Качэргі, Галоднічаў, Наратаў, Лылойцяў, Зяновішкаў, Нястанішкаў, Селішча і засьценку Дубкоў, якія ўпамінаюцца ў XIX стагодзьдзі.

Вештарты (Wiesztort) гербаў Вашкевіч і Суліма і Віштарты (Wisztort) — літоўскія шляхецкія роды з Ашмянскага і Віленскага паветаў.

Вештэрты (Wiesztert) гербу Нячуя — літоўскі шляхецкі род з Ашмянскага павету.

• Вест
• Гарт

• Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. Аўтарскае выданне. — Менск, 2019. — 459 с. — (сьціслая вэрсія кнігі: Вытокі Вялікае Літвы. — Менск, 2021. — 89 с.)