Гоцкая мова — адна з старажытных германскіх моваў (усходнегерманская падгруппа), вядомая пераважна зь пісьмовых помнікаў IV стагодзьдзя (пэрыяд пасяленьня готаў у Прычарнамор’і).
Найбольш значны — пераклад Бібліі (прыпісваецца вэстгоцкаму біскупу Вульфілу), што дайшоў да нашага часу ў остгоцкіх рукапісах V—VI стагодзьдзяў. Лічыцца, што Вульфіла стварыў і само гоцкае пісьмо, заснаванае на грэцкім і лацінскім альфабэтах, а таксама на рунічным пісьме.
Захавала большую блізкасьць да прагерманскай мовы, таму адыгравае значную ролю ў параўнальнай граматыцы германскіх моваў.
Вылучаюць два блізкія дыялекты гоцкай мовы — остгоцкі і вэстгоцкі.
У Крыме пэўны час захоўвалася г. зв. крымска-гоцкая мова (вядомыя 68 словаў, запісаных флямандцам А. Г. Бусбэкам у XVI стагодзьдзі), якая паходзіла ад остгоцкага дыялекту гоцкай мовы.
This article uses material from the Wikipedia Беларуская (тарашкевіца) article Гоцкая мова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.