Мёртвае мо́ра (па-арабску: Al-Bahr al-Majit, на іўрыце ים המלח, Yam haMelah) — салёнае возера на Блізкім Усходзе, разьмешчанае ў Ярданскім тэктанічным разломе (El-Ghor), на мяжы Ізраіля, Ярданіі і Палестынскай аўтаноміі.
Паверхня возера — найніжэйшая кропка Зямлі — 408 мэтраў ніжэй узроўню сусьветнага акіяна. Плошча паверхні складае 1020 км², а максымальная глыбіня — 399 мэтраў. Вада вельмі салёная, у сярэднім 26%. На паверхні салёнасьць складае каля 22%, а на глыбіні 50 мэтраў — 35%. Даўжыня возера расцягнутага з поўначы на поўдзень складае 76 км, а шырыня 45 — 16 км. Берагавая лінія даволі роўная, выключэньне складае паўвыспа El-lisan (язык) якая разьдзяляе Мёртвае мора на глыбокую паўночную частку і больш мелкую паўднёвую (каля 6 мэтраў глыбіні).
Колькасць вады якая ўпадае ў Мёртвае мора, на працягу XX стагодзьдзя зьменшылася, з-за выкарыстаньня часткі вады Ярдана Ізраілем і Ярданіяй, а таксама кліматычнымі зьменамі. Значнае выпарэньне выклікае зьніжэньне ўзроўню вады і зьяўленьне салявых адкладаньняў.
У паўночную частку Мёртвага мора ўпадае рака Ярдан, якая стварае даволі вялікую дэльту.
У сувязі з дужым засаленьнем у Мёртвым моры зусім няма арганічнага жыцьця, але ў вадзе ўтрымліваюцца значныя запасы паваранай солі (прыблізна 43 млрд тон). Таксама выкарыстоўваюцца лекавыя ўласьцівасьці вады і гразі, на ўзьбярэжжы мора знаходзяцца шматлікія санаторыі.
Каля Мёртвага мора знаходзіцца штаб-кватэра Масада (ізраільскай выведчай службы), таксама тут былі знойдзеныя Сьвіткі мёртвага мора. Лічыцца, што на ўзьбярэжжы Мёртвага мора знаходзіліся біблейскія гарады Садом і Гамора.
This article uses material from the Wikipedia Беларуская (тарашкевіца) article Мёртвае мора, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.