مریا سمندر

مریا سمندر دنیا دا سَبھ توں لوݨا سمندر اے۔ ایہدے لوݨے ہوݨ باجھوں ایہدے وچ کوئی جاندار نئیں، اس وجہ توں ایہنوں مریا سمندر کہیا جاندا اے۔ مریا سمندر لیہندے ایشیا وچ اردن دے لیہندے پاسے تے فلسطین دے چڑھدے پاسے آ۔ ایہ زمین اُتے سبھ توں نیواں تھاں اے۔ ایہ 420 میٹر یا 1378 فٹ سمندری پدھر توں تھلے آ ،اس توں علاوا ایہ جگ دی سبھ توں ڈونگھی نمکیں پاݨی دی جھیل وی اے، ایہدی گہرائی 330 میٹر یا 1083 فٹ اے ۔ ایہ جبوتی دی جھیل اسال توں بعد دنیا دا سبھ توں نمکین پاݨی دا ذخیرا وی اے ۔ 30 فیصد لوݨ ناݪ ایہ، سمندر دے پاݨی توں 8 اعشاریا 6 گُݨا نمکین اے۔ ماہرین، مریا سمندر دی شوریدگی 31 اعشاریا 5 فیصد دسدے نیں ۔ مریا سمندر 76 کلومیٹر لمبا تے ودھ توں ودھ 18 کلومیٹر چوڑا اے۔