De Dôo Zêe (Aroabisch: البحر الميت, Hebreeuws: ים המלח) is e zoutmeer in 't Midd'n-Ôost'n, gedêeld tusschn Israël, Jordoanië en Palestina.
Met en ippervlak van oengeveer 810 km² wordt 't gevoed deur de Jordoan vanof 't Jordoans plateau. Binst da 't gemiddelde zoutgehalte van zêewoater 2 tot 4% bedroagt, is da van de Dôo Zêe oengeveer 27,5% (of 275 gram per liter). Da zoutgehalte en giftige elektrolyt'n, moak'n dan der gèen visn of macroscopische algn kunn overleevn, vandoar de noame dôo zêe.
De Dôo Zêe hè sedert de joarn tjeevntig e derde van zyn ippervlak verloorn en dreigt te verdwynn.
't Woater van de Dôo Zêe is en iplossienge van zout'n woarvan dat de concentroasje sterk verschilt van 't normoal zoutgehalte van en oceoan. Magnesiumchloride en natriumchloride zyn de belangrykste bestanddêeln van die iplossienge. 't Woater van de Dôo Zêe is ryk an mineroaln en stoat bekend vo 't soigneern van psoriasis en reuma. De massadichtheid van 't woater in de Dôo Zêe, 1 240 kg/m3, is zodoanig dat e mens der gemakkeliker kan dryvn of elders.
De Dôo Zêe is 't lêegste punt ip 't eirdippervlak met en hoogte van −434 meter oender zêeniveau (december 2019). 't Woaterpeil in de Dôo Zêe doalt gemiddeld met 1,45 meter per joar.
Ofbeeldiengn die ier by passn ku je vien in de categorie Dead Sea van Wiki Commons. |
This article uses material from the Wikipedia West-Vlams article Dôo Zêe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.