Astrologie

Astrologie is e verzoamelnoame vo gedachtn over 't verband tusschen 't leevn van menschen en gebeurtenissn op d'eirde ênerzyds, en de stand van sterrn en planeetn anderzyds.

Astrologie is gin weetnschap.

Astrologie
Homo signorum: Ieder dêel van ze lyf is verboendn met 'n astrologisch têekn

Horoscoop

De populairste vorme van astrologie is verzekers 'n horoscoop. Da goat uut van 't têekn woarounder da j' ebôorn zyt. Doaby kykt een astroloog na 'n dag en 't eure woarop da j'ebôorn zyt.

Huuzn in den horoscoop

Nen horoscoop weirdt vôorngesteld deur ne cirkel. Diene cirkel et 12 huuzn van elk 30 groadn. Ieder huus e z'n eign vertellienge:

  • 't Eeste huus is Ram en volt oender jezelve. Der wordt ook ascendant teegn gezeid. De planete die doa by past is Mars. Je juste eure is nodig voe da uut te viendn.
  • 't Twidde huus is de Stier en volt oender 't geld da je verdient me werkn, je luxe, hoe da je teegn jezelvn an kykt. De planete die doa by past is Venus.
  • 't Derde huus is Tweelienk, en volt oender communicoasje (lik schryvn, telefoneern, internet, faxn), je broers en zusters, de loagere schole, klêne reizn. De planete die doa by past is Mercurius.
  • 't Vierde huus is Krefte, en volt oender je thuus, je ma, je gevoelns, je voaderland, je jeugd, jen êeste lief. De lucht die doa by past is de moane (de moane is gin planete volgens d'astrologie, moar e lucht).
  • 't Vuufde huus is Lêeuw, en volt oender je kinders, je minnoars, gokkn, creatief zyn. De lucht dat doa by past is de zunne (de zunne is gin planete volgend d'astrologie moar e lucht).
  • 't Zesde huus is Moagd, en volt oender werkn voe je boas, je gezoendheid, klêen grut. De planete die doa by past is Mercurius.
  • 't Zevenste huus is Weegschoale, en valt oender je partner, je collega's, je zoekn noar e goein avokoat, je contractn. De planete die doa by past is Venus.
  • 't Achtste huus is Schorpioen, en valt oender al de geheimn, notoarissen, 't geld van 'n andr woa da je gy gebruuk van makt, ol da oender de groend is, erfenisse. De planete die doa by past is Pluto.
  • 't Negenste huus is Boogschutter, en valt oender de grôte reizn, jen intelligentie, je processn, jen hogere schole. De planete die doa by past is Jupiter.
  • 't Tienste huus is Stêenbok, en valt oender je prestige, je beroepskeuze, je zelfbeheersienge, je voader, je morele steun. De planete die doa by past is Saturnus.
  • 't Elfste huus is Woaterman, en valt oender je vriendn, je wenschn en verwachtiengn, menschen die je steunn. De planete die doa by past is Uranus.
  • 't Twoalfste huus is Vissn, en volt oender al wa schemerig is, de klinieke, 't occulte, je wegcyfern, boete doen, weeznhuuzn. De planete die doa by past is Neptunus.

Tags:

EirdePlanetePortoal:WeetnschapSterre

🔥 Trending searches on Wiki West-Vlams:

Zuud-AmerikaNigellaCity of LondonPeter BulckaenAlbrecht van Oostnryk192629 ogustusNero (strip)Lyste van keuniengn van HongareyeEuropese UnieGeslacht (biologie)Michel PollentierCD&VBoavinkoveGoogleGrieknlandMoskouJapan1965Oud-BerkynLeopold I (HRR)Vlaemsch Comiteit van VrankrykBourgondiërs26 moartePoldersPaus Benedictus XVICamelus1945James EnsorBollezeeleAustralië (land)Nieuw-ZêelandBoreoale busschn van ôostlik SiebeerjeJimmy FreySulferberg7 (getal)ManxHollandZunnestelselBerengar IIVlaamse Radio- en TelevisieomroepVlams (Nederlands)Dirk FrimoutVlemschChinaVT4Merkwoardig product1978IranStroazeleManilln1948FransFrank Vandenbroucke (coureur)1976KeunVloamertiengeBus🡆 More