قلعہ دراوڑ
قلعہ دراوڑ (انگریزی: Derawar Fort)، پنجاب، پاکستان دے ضلع بہاولپور، صحرائے چولستان وچ اک قدیم قلعہ اے۔ صحرائے چولستان وچ قلعہ دراوڑ دے چاݪی دمدمے کئی میل تک نظر آؤندے نیں۔ کندھاں دا دائرہ 1500 میٹر اے تے اوہناں دی بلندی 30 میٹر تک اے۔
| ||||
|---|---|---|---|---|
 | ||||
| حصہ | قلعہ | |||
| انتظامی تقسیم | ||||
| ملک |  پاکستان | |||
| وقوع تھاں | تحصیل یزمان | |||
| عالمی ورثہ عہدہ | عارضی عالمی ثقافتی ورثہ سائٹ | |||
| تقسیم اعلیٰ | تحصیل یزمان | |||
| متناسقات | 28°46′02″N 71°20′02″E / 28.76727778°N 71.33386111°E | |||
| وقوع متناسقات | ||||
| جیو رمز | 1180262 | |||
| ||||
ترمیم  | ||||
| قلعہ دراوڑ ایہ قلعہ دراوڑ بہاولپور توں 32 کلومیٹر دور واقع اے | |
|---|---|
 اِبتداء وچ قلعہ دراوڑ بطور راجپوت قلعہ نويں صدی عیسوی وچ تعمیر ہويا | |
| قسم | قلعہ |
| متناسقات | 28°46′5″N 71°20′3″E / 28.76806°N 71.33417°E 71°20′3″E / 28.76806°N 71.33417°E |
| تعمیر | نويں صدی عیسوی |
تریخ
دراوڑ قلعہ 9ویں صدی عیسوی وچ بھٹی قبیلے دے اک ہندو راجپوت حکمران رائے ججا بھٹی نے شہنشاہ راول دیوراج بھٹی نوں خراج تحسین پیش کرن لئی تعمیر کیتا سی۔ ایہ قلعہ شروع وچ ڈیرا راول دے نام ناݪ جاݨیا جاندا سی، وقت گُزرن دے ناݪ موجودہ نام دراوڑ کہیا جاݨ لگ گیا۔
18ویں صدی وچ اس قلعے اُتے بہاولپور دے مسلمان نواباں نے شہوترا قبیلے توں قبضہ کر لیا۔ بعد وچ ایہدی موجودہ شکل وچ 1732 وچ عباسی حکمران نواب صادق محمد نے تزئین و آرائش کیتی، لیکن 1747 وچ شکار پور وچ بہاول خان دی مصروفیات دی وجہ توں قلعہ اوہناں دے ہتھوں نِکݪ گیا۔ نواب مبارک خان نے 1804 وچ قلعہ واپس لے لیا۔ قلعے دی بوسیدہ کندھ دے کوݪ ملبے وِچوں 1000 سال پراݨے کیٹاپلٹ دے خول مِݪے سی۔ ریاست بہاولپور دے 12ویں تے آخری حکمران نواب صادق خان عباسی پنجم 1904 وچ قلعے وچ پیدا ہوئے سی۔
گوگل ڈوڈل نے پاکستان دے 75 ویں یوم آزادی اُتے قلعہ دراوڑ دا ڈوڈل لایا سی۔ گوگل دے مطابق، قلعہ پاکستانی موافقت تے قدیمیئت دی علامت اے۔
ڈھانچا
ایہ قلعہ مٹی دیاں اِٹاں ناݪ بݨیا ہویا اک وسیع تے بصری طور تے شاندار مربع ڈھانچا اے۔ کندھاں دی لمبائی 1500 میٹر اے تے اوہناں دی بلندی 30 میٹر تک اے۔ چاݪی گوݪ دمدمے نیں، ہر طرف دَس، جو 30 میٹر بلند نیں تے کئی میل تک صحراء دے پار نظر آؤندے نیں۔
تزئین و آرائش
قلعے نوں بعد وچ ایہدی موجودہ شکل وچ 1732 وچ عباسی حکمران نواب صادق نے بحال کیتا سی۔ 2019 وچ پنجاب حکومت نے قلعہ دراوڑ دے تحفظ لئی 46 مِلیئن روپے دی رقم مختص کیتی سی۔ اہم کَم مکمل کر لیا گیا اے، جیہدے وچ قلعے دے باہر اناج دے اک گودام دا تحفظ، قلعے دے دمدمے دی اگلی تے جنوب مشرقی اطراف دے تباہ شدہ حصےآں دی انڈرپِننگ، کندھاں، چبوترے، دمدمے دے شمال مشرق وَل تھلے آݪی پٹی تے کندھاں، قلعے دا اندرلا حِصہ تے ڈھلوان فرش جیہڑا باراں دری دی طرف جاندا اے تے مرکزی دروازے ناݪ ملحق کندھاں شامل نیں۔
مورتاں
ہور دیکھو
باہرلے جوڑ
- Derawar Fort
- ContactPakistan.com - دراوڑ فورٹ پیج Archived 2015-06-25 at the وے بیک مشین
- Derawar Fort, The Large Square Fortress in Pakistan Archived 2011-12-14 at the وے بیک مشین
حوالے
This article uses material from the Wikipedia شاہ مکھی پنجابی (Shāhmukhī Pañjābī) article قلعہ دراوڑ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.