স্কাৰ্ভী
স্কাৰ্ভী ভিটামিন চি-ৰ অভাৱত হোৱা এক ৰোগ। দুৰ্বলতা, ভাগৰ লগা আৰু হাত-ভৰিৰ বিষ এই ৰোগৰ প্ৰাৰম্ভিক লক্ষণ। চিকিৎসাৰ অবিহনে লোহিত ৰক্ত কণিকাৰ সংখ্যা কমা, দাঁতৰ আলুৰ ৰোগ, চুলিৰ গুণাগুণ সলনি আৰু ছালৰ পৰা ৰক্তপাত হ'ব পাৰ। ৰোগ বাঢ়ি গ'লে ঘাঁ সোনকালে নুশুকুৱা, ব্যক্তিত্বৰ সলনিৰ দেখা যোৱাৰ লগতে সংক্ৰমণ বা ৰক্তপাতৰ ফলত শেষত মৃত্যু পৰ্যন্ত হ'ব পাৰে।
| স্কাৰ্ভী | |
|---|---|
| অন্য নাম | ম'লাৰৰ ৰোগ (Moeller's disease), চিডলৰ ৰোগ (Cheadle's disease), স্কৰ্বিউটাছ, বাৰ্ল'ৰ ৰোগ (Barlow's disease), হাইপ'এস্ক'বেমিয়া |
 | |
| স্কাৰ্ভী ৰোগাক্ৰান্ত দাঁতৰ আলু। দাঁতবোৰৰ মাজৰ ঠাই ৰঙা পৰাটো লক্ষ্য কৰক। | |
| বিভাগ | অন্তঃস্ৰাৱী বিজ্ঞান |
| লক্ষণ | দুৰ্বলতা, ভাগৰ লগা, চুলিৰ পৰিৱৰ্তন, হাত-ভৰিৰ বিষ, দাঁতৰ আলুৰ ৰোগ, সহজে তেজ ওলোৱা |
| কাৰণ | ভিটামিন চি-ৰ অভাৱ |
| আশংকাৰ কাৰণ | মানসিক ৰোগ, অস্বাভাৱিক খাদ্যাভ্যাস, সুৰাসক্তি, অকলে থকা বয়সীয়াল লোক, অন্ত্ৰৰ অশোষণ, ডায়েলাইছিছ |
| ৰোগ নিৰূপণ | লক্ষণৰ ওপৰত ভিত্তি কৰি |
| চিকিৎসা | ভিটামিন চি-ৰ ঔষধ |
| পুনৰাবৃত্তি | দুৰ্লভ |
খাদ্যত ভিটামিন চি-ৰ অভাৱতে স্কাৰ্ভী ৰোগ হয়। অতি কমেও এমাহলৈ খাদ্যপ্ৰাণ গ-ৰ অভাৱ ঘটিলে লক্ষণ দেখা যায়। আজিকালি এই ৰোগ মানসিক ৰোগী, অস্বাভাৱিক খাদ্যাভ্যাস, সুৰাসক্ততা আৰু অকলে থকা বয়সীয়াল লোকৰ ক্ষেত্ৰতহে বেছিকৈ পোৱা যায়। আন কাৰকৰ ভিতৰত আছে অন্ত্ৰৰ অশোষণ (intestinal malabsorption) আৰু ডায়েলাইছিছ। মানুহ আৰু আন কিছুমান প্ৰাণীৰ বাবে ক'লাজেন তৈয়াৰ কৰিবলৈ খাদ্যত ভিটামিন চি-ৰ প্ৰয়োজন। দৈহিক লক্ষণ, এক্স ৰে' আৰু চিকিৎসাৰ পাছত অৱস্থাৰ উন্নতি হোৱাকৈ চাই ৰোগ নিৰ্ণয় কৰা হয়।
ভিটামিন চি ঔষধ মুখেৰে খাই ইয়াৰ চিকিৎসা কৰা হয়। কেইদিনমানৰ পছতে লক্ষণৰ উন্নতি দেখা যায় আৰু কেইসপ্তাহমানৰ ভিতৰত সম্পূৰ্ণ আৰোগ্য লাভ হয়। ভিটামিন চি থকা খাদ্যৰ ভিতৰত টেঙা ফল-মূল, বিলাহী আৰু আলুৰ দৰে শাক-পাছলি প্ৰধান। খাদ্য ৰান্ধিলে সাধাৰণতে ভিটামিন চি-ৰ পৰিমাণ কমি আহে।
বৰ্তমান কালত ভাৰ্ভী দুৰ্লভ। উন্নয়নশীল দেশবোৰত পুষ্টিহীনতাৰ লগত সচৰাচৰ স্কাৰ্ভী দেখা যায়। শৰৰ্নাৰ্থীসকলৰ মাজত স্কাৰ্ভীৰ হাৰ ৫%ৰ পৰা ৪৫%। প্ৰাচীন ইজীপ্টৰ সময়তে প্ৰথমে স্কাৰ্ভীৰ বিৱৰণ পোৱা যায়। দীৰ্ঘ দূৰত্বৰ সাগৰ যাত্ৰাত স্কাৰ্ভীয়ে আহুকালৰ সৃষ্টি কৰিছিল। অনুমান কৰা হয় যে জলপথৰ যুগত (Age of Sail) যিকোনো যাত্ৰাত প্ৰায় ৫০% নাবিকৰ স্কাৰ্ভীত মৃত্যূ হৈছিল। ১৭৫৩ চনত স্কটিছ শল্য চিকিৎসক জে'মছ লিণ্ডে স্কাৰ্ভীক টেঙা ফল-মূলেৰে ভাল কৰিব পাৰি বুলি প্ৰমাণ কৰে। কিন্তু ১৭৯৫ চনমানতহে স্বাস্থ্য সংস্কাৰক গিলবাৰ্ট ব্লেন আৰু আনসকলে নাবিকক নিয়মিত নেমু ৰস খুৱাবলৈ ব্ৰিটিছ ৰাজকীয় নৌবাহিনীক সৈমান কৰে।
-
ভিটামিন চি-ৰ অভাৱত হোৱা এটি শিশুৰ স্কৰ্বিউটিক জিভা -
গা কোঁচ খাই থকা অৱস্থাত স্কাৰ্ভীত ভোগা এটি শিশু। -
স্কাৰ্ভীত সোমাই যোৱা বুকুৰ গঠন আৰু ৰঙচুৱা দাগ।
.jpg)
তথ্যসূত্ৰ
অতিৰিক্ত পঠন
- Brown, Stephen R.. Scurvy: How a Surgeon, a Mariner, and a Gentleman Solved the Greatest Medical Mystery of the Age of Sail. Archived from the original on 2008-07-05. https://web.archive.org/web/20080705113840/http://www.stephenrbown.net/scurvy1.htm। আহৰণ কৰা হৈছে: 2018-05-03.
- Carpenter, K.J. (1986). The History of Scurvy and Vitamin C. Cambridge.
- Cegłowski, Maciej (7 March 2010). "Scott and Scurvy". IdleWords.com. http://idlewords.com/2010/03/scott_and_scurvy.htm
- Vale, B. & Edwards, G. (2011). Physician to the Fleet: The Life and Times of Thomas Trotter 1760-1832. Boydell.
বাহ্যিক সংযোগ
ৱিকিমিডিয়া কমন্সত Scurvy সম্পৰ্কীয় মিডিয়া ফাইল।
| বৰ্গীকৰণ | |
|---|---|
| বাহ্যিক সমল |
This article uses material from the Wikipedia অসমীয়া article স্কাৰ্ভী, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.