নাক: শ্বাস তন্ত্ৰৰ অংগ

নাক হৈছে শ্বাস তন্ত্ৰৰ এটা অংশ। ই বায়ুৰ পৰা অক্সিজেন গ্ৰহন কৰা আৰু কাৰ্বন ডাই অক্সাইড নিস্কাসন কৰাৰ পথ হিচাপে কাৰ্য কৰে। বাহ্যিক পৃথিৱী আৰু দেহৰ মাজৰ সমন্বয় ৰক্ষাকাৰী হিচাপে ই আৰু ইয়াৰ সংলগ্ন গঠনসমূহে বায়ুৰ সৈতে জড়িত অন্য কিছুমান কামো কৰে; যেনে- গন্ধ লোৱা, দেহলৈ প্ৰৱেশ কৰা বায়ু গৰম কৰা/সেমেকা কৰা আদি। যিকোনো অবাঞ্চিত কণা হাঁওফাঁওত প্ৰৱেশ কৰাত বাধা দিবৰ বাবে নাকৰ ভিতৰফালে অসংখ্য নোম থাকে।

কুকুৰৰ সেমেকা নাক দিক নিৰ্ণয়ৰ বাবেও উপযোগী। চালত থকা সংবেদনশীল সংগ্ৰাহকে কোনো এটা গন্ধ কোন দিশৰ পৰা আহিছে, সেইটো নিৰ্ণয় কৰিব পাৰে।