هونكونڭ: منطقة إدارية خاصة ف الشينوا

كايسكنو فيها 7,4 مليون واحد من بزاف د الجنسيات ف مساحة ديال 1104 كيلوميطر مربع، و كاتّعتابر ب هادشي أكتف تيريطوار ف لعالم.

香港 (zh)
التقسيم لإداري
لبلاد	شينوا
لعاصيمة	ڤيكطوريا
لأقاليم	مقاطعة الجزر مقاطعة كواي تسينڭ لمقاطعة الشمالية، هونڭ مقاطعة ساي كونڭ مقاطعة شا تين مقاطعة تاي بو مقاطعة تسوين وان مقاطعة توين مون مقاطعة يوين لونڭ مقاطعة مدينة كولون مقاطعة كوون تونڭ مقاطعة شام شوي بو مقاطعة وونغ تاي سين مقاطعة ياو تسيم مونڭ المقاطعة الوسطى والغربية لمقاطعة الشرقية، هونڭ لمقاطعة الجنوبية، هونغ كونڭ مقاطعة وان تشاي
التأسيس	1 يوليوز 1997
لجغرافيا والسكان
لميساحة	1,105.69 كم²
بلاصة لعالية	تاي مو شان (957 م)
محادية معا	ڭوانڭدونڭ شينزين زوهاي
شحال دالسكان	7,413,070 (2021)
لإدارة
رئيس هونغ كونغ التنفيذي	جون لي
معلومات خرى
التوقيت	ڭرينيتش + 8
اللوغات	نڭليزية نڭليزية لكانطونية الشينوية لمعيارية الشينوية د يووي اللوغة د لإشارات د هونكونڭ لماندارينية
السيت الرسمي	لموقع الرسمي
كود إيزو 3166-2	CN-HK
خريطة لجيهة

لڭزيرة د هونكونڭ ولات مستعمرة بريطانية ف 1841–1842، بعدما تخلّات عليها السلالة د تشينڭ لي كانت حاكمة الشينوا، حيت خسرات لحرب د لأفيون اللولة. لبراطن زادو وسّعو لمستعمرة ب شبه ڭزيرة كوولون ف 1860، و لأقاليم الجداد New Territories ف 1898. ف لوقت د لحرب لعالمية الجاوجة حتلاتها الجاپون من 1941 تال 1945. هونكونڭ رجعات ل الشينوا ف 1997، بعدما تسالات لمدة ديال لمعاهدة اللخرة لي خداتها بيها بريطانيا (99 عام من 1898). هونكونڭ عندها حوكومة و قتيصاد دياولها معزولين على بلاد الشينوا الرئيسية Mainland China، ف إطار ما كيتسمى "بلاد وحدة، جوج أنضمة".

ف لقديم كانت هونكونڭ منطقة ب سكان قلال أغلبيتهوم فلّاحا و صيادا د لحوت ساكنين ف دواور. ليوم ولات من أهم لمراكز د لفينونص و لمراسي ف لعالم. الصولدي د هونكونڭ، الدولار د هونكونڭ، هوّ تاسع أكتر صولدي كيتم التبادل ديالو ف لعالم. فيها تاني أكبر عدد د لملايريا ف شي مدينة ف لعالم، و أكبر عدد ديال الناس ب قيمة صافية مجهّدة ف لعالم.

هونكونڭ منطقة متطورة بزاف، و عندها موعدال د التنمية لبشرية كيساوي 0,952، لي كيخليها الرابعة ف لعالم، و عندها أعلى مدة د لحياة ف لعالم.