Hong Kong

Hong Kong dikana dek pakambangannyo nan ekspansif, palabuahan lauik dalam alami, jo kapadekan panduduak nan sangek tinggi (sakitar 7 juta jiwa pado lahan salaweh 1.104 km² (426 sq mi) . Populasi Hong Kong kini ko tadiri dari 93.6% etnih Cino . Kabanyakan dari panduduak Hong Kong nan babahaso Kanton barasa dari Provinsi Guangdong , di mano panduduak jo katarampilan malarikan diri katiko pamarintah kumunih mangontrol Cino taun 1949 .

Sasudah kakalahan Cino di Parang Opium Partamo (1839–42) dari Karajaan Inggirih, Hong Kong manjadi koloni Inggris jo disarahkannyo Pulau Hong Kong, kudian diikuiki Samananjuang Kowloon taun 1860 jo panyeoan 99 taun New Territories taun 1898. Sasudah diduduaki dek Japang salamo Parang Dunia II (1941–45), Inggirih mangontrol baliak Hong Kong sampai 30 Juni 1997. Sabagai hasil dari negosiasi antaro Cino jo Inggirih, Hong Kong disarahkan ka Republik Rakyaik Cino malalui Deklaratasi Basamo Sino-Inggirih taun 1984. Kota iko manjadi Daerah Administratif Khusuih patamo di Cino malalui asas "satu negara, dua sistem".