جبل لكست (بتشلحيت: ⴰⴷⵔⴰⵔ ⵏ ⵍⴽⵙⵜ أدرار ن لكست؛ بلعربية: جبل لكست) هو جبل كاين ف الطرف الشرقي ديال لأطلس الصغير ف لمغريب.
أفا ن تمزݣاديوين لي هو لقمة ديال هاد جبل كايوصل لعلو ديالو 2359 ميترو، وهي الراس لعالي ݣاع ف لمنطقة و وحدة من الريوس لعاليين تاوع جبال لأطلس الصغير ف لجانوب د لمغريب.
جبل لكست بعيد واحد 9.82 كيلوميطر جيهة الشمال لغربي ديال مدينة تافراوت. كاين هاد الجبل بين لقبايل ديال شتوكة ف الشمال، ولقبايل ديال أملن ف لجانوب، هادشي فلوصط ديال سلسلة جبال لأطلس الصغير لغربي.
من جيهة لجانوب، كانلقاو دواور لي تابعين لأملن هوما دواور تقليديين قدام ديال الشلوح. هاد لواحة ديال أملن هي لي كاتفرق جبل لكست على لأراضي دياول الصحرا. كاتعتبر لمجموعة جبل لكست وحدة من لمناطيق ديال التسلق ف جبال لأطلس الصغير. أما من جيهة الشمال كانلقاو دواور ديال تودما و آيت صواب و إداوݣنضيف.
من غير لعلو ديالو لكبير، هاد جبل معروف حتى بواحد لبلاصا فيه كاتبان بحالا شي سبع منحوت فيها، ولكن ماشي ديما كايبان. يقدر هاد "السبع" يتشاف من جيهة واحة أملن و كايبان حتى من مدينة تافراوت ف لعشية منين كاتكون الشمش لفوق.
تقدر تزيد شوف بزاف د تّصاور و لمعلومات ديال Jbel Lekst ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article جبل لكست, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.