Ytterbiumiiifosfaat: Chemiese verbinding

Eienskappe

Algemeen
Naam	Ytterbium(III)fosfaat
Chemiese formule	YbPO4
Molêre massa	268.02 [g/mol]
CAS-nommer	13759-80-3
Voorkoms	vastestof
Fasegedrag
Selkonstantes	a = 680,93; c = 596,39 pm
Ruimtegroep	I41/amd
Nommer	141
Strukturbericht	S1₁
Smeltpunt
Kookpunt
Digtheid
Oplosbaarheid	onoplosbaar
ΔfHɵ	-1929,4±4,9 [kJ/mol]
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Die stof en sy kristalle kan uitgaande van die suiwer metaal met 'n hidrotermale metode vervaardig word.

Die verbinding kristalliseer in 'n ortorombiese struktuur soos die mineraal xenotiem. Hierdie struktuur is as die sirkoon-struktuur bekend, die S1₁-struktuur van die strukturbericht-klassifikasie. Dit is so vir al die later lantaniedfosfate LnPO₄, Ln=Tb,Dy,Ho,Er,Tm,Yb en Lu.

Poeiers van gehidrateerde YbPO₄.nH₂O van nanogrootte kan deur presipitasie uit waterige oplossings vervaardig word. Die struktuur, deeltjiesgrootte en optiese eienskappe van die neerslag kan deur kalsinering verder aangepas word. Teen temperature bo 800 °C word die watervrye xenotiem- of sirkoonstruktuur verkry. Dit het interessante optiese eienskappe met verskeie skerp pieke in die absorpsie- en emissiespektra vanuit sy ²F_7/2 en ²F_5/2-toestande.

Glase van gemengde erbium- en ytterbiumfosfaat word gebruik as lasermedium. Die ⁴I_13/2-energievlak van erbium het 'n lang lewensduur. Die energieoordrag se doeltreffendheid van Yb na Er is hoog en dit het hoë absorpsie- en emissiedeursneë. Dit word in laserafstandmeters, LIDAR- en LIBS-stelsels gebruik.