Wit-Blou-Wit Vlag
Die wit-blou-wit vlag (Russies: Бело-сине-белый флаг, БСБ) is 'n simbool van protes in Rusland teen die Russiese inval van 2022 in Oekraïne.
.svg)
.svg)
Dit is op 28 Februarie 2022 die eerste keer op sosiale netwerke genoem en algemeen deur teenstanders van die oorlog aanvaar.
Volgens aktiviste simboliseer dit die stryd om vrede en vryheid van denke. Die rooi kleur van die Russiese vlag, wat met bloed en die Sowjetverlede verbind word, is vervang met wit, vir vrede. Die kleurkombinasie is ook dieselfde as op die ou vlag van die stad Weliki Nowgorod in herinnering aan die tradisies van die Republiek Nowgorod.
Die ontwerp van die vlag herinner ook aan die vlag van Belarussiese protes (wat ook die historiese vlag van Belarus is).
Op 6 Maart 2022 is Anna Doebkowa, 'n Moskouse inwoner, deur 'n polisieman aangehou as deel van die Ingrypingsplan omdat sy die wit-blou-wit vlag op haar motor geplaas het. Volgens die polisieverslag is die vlag 'n simbool van "... protes teen oorlog, wat algemeen onder opposisiemagte is". Doebkowa is tot 15 dae gevangenisstraf gevonnis kragtens Artikel 19.3 van die Kode van Administratiewe Oortredings.
Die middelste blou streep van die vlag is soortgelyk aan dié van die Russiese vlag tussen 1991 en 1993.
Verwysings
Skakels
Hierdie artikel is in sy geheel of gedeeltelik uit die Engelse Wiki vertaal.
This article uses material from the Wikipedia Afrikaans article Wit-blou-wit vlag, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.